Home General Funcionamento di planta na dump tabata wordo sabotea deliberadamente!

Funcionamento di planta na dump tabata wordo sabotea deliberadamente!

0
0
SHARE
- Advertisement -

Segun Parlamentario Booshi Wever:
Pa personal di e dump mes!
ORANJESTAD (AAN) – Den conferencia di prensa di fraccion di MEP, den cual Parlamentario Booshi Wever a hiba palabra, e comentario a wordo haci for di miembronan di prensa, cu tin indicacion cu Boldin & Lawson tabata tin den su exigencianan, pa pone den e personal cu ta traha cu e planta, personanan cu diploma HTS y MTS. Booshi Wever a splica cu si tabata tin algun exigencia y di hecho e manager tin un opleiding entre MBO y HBO, y el a maneha e planta hopi bon y e compania tabata hopi contento cune.


Segun Wever, aworaki tin hende ta piki pieu unda cu no tin, y el a acentua cu e planta aki no ta draai no pa via di e managernan ni e supervisornan cu tin e nivel di MTS cu ta wordo exigi.

El a remarca cu no mester busca motibonan unda cu nan no ta, y cu haya palo pa dal e cacho ta facil y el a reitera cu e planta no ta funciona manera mester ta, debi na e tipo di desperdicionan cu ta drenta den dje, cu na prome lugar no ta domestico, y na di dos lugar pasobra gobierno no ta inverti den e planta y no a busca benta pa e fluff pa haci efectivo y eficiente, tin esaki.

E Parlamentario a compara e sistema di Serlimar cu esun di Eco Tech. Den e planta aki, nan ta separa e sushi manualmente, segun e tin entendi, ya cu nunca el a drenta den e lugar.
Di otro banda, nan ta saca e carton afo, e plastic, bleki di aluminio cu nan mester.

Wever a señala cu locual mester mira den e planta ta pa den e proceso di sushi no bay materialnan duro, por ehemplo, di leu por distingui un “bools”.

E Parlamentario tin entendi cu na cierto momento, hasta bools di magazijn di e dump tabata wordo benta den e planta, kiermen deliberadamente e personal mes, tabata sabotea su funcionamento, pero nan a tira falta riba e tecnologia di e planta, locual no ta e caso.

Segun Wever mester separa e dos aspectonan aki: foutnan humano cu kizas a sosode, sea deliberadamente of no, y aspecto tecnico unda e planta por funciona cien porciento.
Finalmente, sr. Wever a subraya cu e trahadornan di Serlimar cu ta lanta sushi mester sa cu no tur desperdicio nan por trece pa dump.

Por ehemplo hero, piezanan di wash-mashin, etc., cu e planta no por procesa. E tin entendi cu ta un bez pa luna Serlimar ta piki e tipo di material aki. Bateria di auto tog si e planta por mula pero en general ta cu desperdicionan soft e ta traha.

Pero fuera di esey e personal di dump por mira esakinan ora e sushi drenta y nan ta pone den e lugar concerni prome cu hinke den e planta.

- Advertisement -

DUNA COMENTARIO

Please enter your comment!
Please enter your name here