Home General Gobierno kier pa tur su empleadonan cay bou fondo di pensioen APFA

Gobierno kier pa tur su empleadonan cay bou fondo di pensioen APFA

5
1
SHARE
- Advertisement -

ORANJESTAD(AAN): E reunion cu sindicato STA, representando empleadonan di aeropuerto, en realidad no tabata necesario si gerencia a sigui e pensamento di Gobierno for di inicio pa loke ta e fondo di APFA. Pa algun luna caba e sindicato STA a bin ta buscando información comokiera cu gerencia kier saca esnan cu ta miembro di APFA pa hinca nan den otro compania, algo cu e empleadonan no tabata di acuerdo cune.
Y pa cual a pidi un encuentro cu Gobierno unda cu nan a sigura e sindicato cu e pensamiento di Gobierno ta pa tur su empleadonan, tambe esnan di NV ta keda den APFA.
Premier Eman den su splicacion di e situación den e reunion cu e sindicato STA, a bisa cu e punto aki a bini bon cla dilanti den e reunionnan cu APFA.

Eman na final di e reunion a declara cu durante e reformacion di APFA cierto momento tabata tin falta di claridad con ta bay restructura APFA y sigura su continuidad. Hasta tabata tin rumor cu kier a saca trahadonan di ELMAR, WEB y SETAR for di e fondo, pa otro compania.

Pero Gobierno tabata prefera pa tur hende keda eyden, ya cu e tabata uno solido y awor cu e reformanan e ta miho para. Pues un instituto di pensioen cu por garantisa su pensioen y un di e mihonan cu tin. Pesey e tempo ey Gobierno a bisa cu nan ta prefera pa empleadonan di Gobierno den NV keda den APFA. Y esaki ta un decision cu a wordo ratifica den Conseho di Minister.

E otro aspecto cu ta un tiki mas complica, ta e personanan cu ta den otro pensioen, cu no ta nada comparable cu esun di APFA, y pagando un prima mucho mas halto. Esaki Premier a bisa cu e ta kere cu e sindicato mester discuti e tema cu e Minister encarga cu aeropuerto, den e caso aki Minister Otmar Oduber. Ya caba Premier Eman a pidi Minister Turismo pa informa e comisarionan cu nan kier pa esnan cu ta den APFA keda den e fondo ey.

- Advertisement -

1 COMMENT

  1. Full bo storia tocante gobierno su intenshonnan ta corecto. Sinembargo empleadonan di nos aeropuerto tin prueba por escrito cu gerencia di aeropuerto no kier firma contrato cu APFA.
    Bo publicacion ta duna e impression cu STA ta reuni cu Gobierno pa pret. Den futuro conta ambos banda di e noticia.

DUNA COMENTARIO

Please enter your comment!
Please enter your name here