Home Evenemento Introduciendo Un Hoben Talentoso Y Briyante

Introduciendo Un Hoben Talentoso Y Briyante

2
0
SHARE
- Advertisement -

Vision

ORANJESTAD –  3 di February proximo lo tuma lugar na Atelier 89 un exposicion presenta pa e hoben Rudyomar Leysner titular Visions.

Rudyomar leysner a nace dia 20 di February na Colombia pero a yega Aruba na edad hopi hoben.

Tempo cu e tabata un mucha el a cuminsa sinti un amor pa e potlood y papel y a cuminsa su hiabe den e mundo magico di dibuho. Un biaha so el a asisti na un les di pintamento y a haya esaki masha laf y nunca mas a asisti. Pero mientras cu añanan tabata pasa el a desaroya su habilidad den pitamento y asina su amor pa pintamento a crece. Ora cu el a bira un tiener el a haya un buki cu tabata contene tatoe y a sinti asina un fascinacion pa esaki cu el a cuminsa traha den un tatooshop como diseñador artistico.

   Rudyomar a atende school basico pastor Kraanwinkel, a termina su MAVO na St. Antonius College na 2005 y a ricibi su diploma di instructor di landamento den e mesun aña aki. Y na 2006 el a termina su High School na Bogota.

  Na aña 2007 e biahe di exploracion den arte a cuminsa pa Rudyomar ora cu el a cuminsa studia pa su masters den Arte plastico na e Fundacion universitaria de bellas Artes na Medellin.

   El a cuminsa haya les y desaroya su talentonan cu p’e tabata desconoci na e momento ey. Poco poco el a cuminsa desaroya e concepto y percepcion den su arte, conociendo awor algun di e esculturanan y pinturanan y tambe obhetonan theoretico manera Historia di Arte. Asina el a sigui busca mas conocemento tocante arte, bishitando varios exposicion y museonan y conociendo asina artistanan di Colombia y otronan internacional. el a keda asombra pa e diferente tiponan di arte y e cantidad di technicanan cu ta worde usa.

Pero na 2009, sufriendo dilemanan y traumanan personal, el a dicidi di regresa Aruba pa redescubri su mes. Mientrastanto el a dicidi cu e ta bay hulanda y purba di termina su carera eynan. Na hulanda el a bishita diferente y a logra mira obranan di su artistanan favorite manera Salvador dali, Rene Magritte y otronan. Ora el a regresa Aruba y cu dificultad pa cuminsa un carera, el a dicidi di bay back Colombia pa sigui persigui loke e ta stima mas, esta ARTE y a drenta e Institucion Universitaria bellas Artes y Ciencias de Bolivar pa termina su carera.

  Awor, na 2011 y pa prome biaha na Aruba (mientras e ta cu vacacion) e ta dertermina pa mustra e comunidad Arubano su ‘‘VISIONS’Art By Rudyomar Leysner’’ como su prome exposicion na Aruba dia 3 di February pa 8or di anochi na Atelier 89.

  Atelier 89 ta presenta ‘‘VISIONS’Art By Rudyomar Leysner’’ unda e ta haya e oportunidad pa exhibit mas di 20 di si obranan original cu el a elabora durante su carera como artista.

  Segun Rudyomar: “Mi arte ta bini mayoria biaha door di meditacion, ora cu mi ta tuma un rato pa busca e energianan dentro di mi mes y busca ‘guia interno. Tur e colornan cu mita usa no ta eynan pa casualidad, sino e energia cu nan ta representa.”

  Pueblo di Aruba, specialmente esnan cu ta gusta arte, ta keda invita pa bin bishita‘‘VISIONS’Art By Rudyomar Leysner’’ dia 3 di February pa 8or di anochi na Atelier 89.

- Advertisement -

DUNA COMENTARIO

Please enter your comment!
Please enter your name here