Home Cultura IPA Su Centro Di Investigacion Cide A Tene Charla Comunitario Tocante Calypso...

IPA Su Centro Di Investigacion Cide A Tene Charla Comunitario Tocante Calypso Y Multilingualismo

2
0
SHARE
- Advertisement -

Cu invitado special Antoni Gario

ORANJESTAD (AAN): Riba 19 di januari 2011 Instituto Pedagogico Arubano (IPA) a haya bishita di Profesor y linguista Hubert Devonish hunto cu su studiantenan di “The University of the West Indies ” di Mona, Jamaica.

   Nan bishita tabata den cuadro di investigacion riba Papiamento y multilingualismo na Aruba. Drs. Joyce Pereira tabata encarga cu nan guia.

Drs. Gregory Richardson, investigado di Centro di Investigacion y Desaroyo di Enseñansa (CIDE) y docente di Estudionan Caribense a tene un presentacion riba musica y idioma dirigi na e studiantenan Jamaiquino, hunto cu algun invitado.

   Den su presentacion drs. Richardson a enfoca riba Calypso y multilingualismo. El a haci un analisis riba e desaroyo y percepcion di ‘San Nicolas English’, cu ta un variante di Ingles Caribense. Tambe a haci un analisis comparativo entre Papiamento, San Nicolas English, Calypso y Tumba. A bin resulta cu tin hopi similaridad historico, etnico y geografico entre nan.  Por pensa akinan riba caracteristicanan di resistencia y  creolisacion, como tambe herencia ritmico y Africano.

   Como orador invita tabata tin compositor, areglista y activista di Calypso, señor Antoni Gario. Na un forma hopi bibo y intenso, Gario a presenta su punto di bista riba e desaroyo cultural, historico y economico di Calypso. El a enfoca riba algun aspecto esencial cu den su opinion ta obstaculisa e desaroyo artistico di hopi mucha menos afortuna. Tambe el a comparti su opinion tocante aspectonan psicologico y di uzo di idioma cu lo por tin influencia riba e calidad  di e genero artistico cu e ta stima.

   E presentacion a bay den un ambiente hopi interactivo, den cua e un publico hopi varia a debati riba diferente tereno.

   IPA kier a gradici señor Antoni Gario pa su presentacion durante e charla. Especialmente den un periodo asina druk. Tambe kier a gradici Profesor Devonish y drs. Joyce Pereira pa nan aporte y participacion.

- Advertisement -

DUNA COMENTARIO

Please enter your comment!
Please enter your name here