Home General Mariniers kazerne sea di Aruba of di Curaçao lo wordo elimina

Mariniers kazerne sea di Aruba of di Curaçao lo wordo elimina

14
1
SHARE
- Advertisement -

bishitakazer1Parlamentario Andy Lee a revela:
Comision Relacionnan Internacional a bishita Mariners Kazerne diamars atardi!
ORANJESTAD (AAN) – Diamars a tuma lugar e conferencia semanal di prensa di Fraccion di AVP, den cual a participa e Parlamentarionan sr. Andy Lee, sr. Donny Rasmijn y sr. Rene (Baba) Herde.
Drs. Andy Lee a inicia e rueda di prensa cu informacion tocante un bishita cu e Comision di Relacionnan Internacional (Rijkswetten Verdragen Buitenlandse Betrekkingen”, cu e mes ta presidi, tabata preparando su mes pa haci un bishita na Mariniers Kazerne, diamars mes pa 10.30’ di mainta.
Den e programa di trabao cu e Comision aki ta desplega, tin diferente actividad cu ta programa pa e periodo aki, y nan ta cuminza cu e bishita na Marina Real, cu ta cay den cuadro di Relacionnan Internacional y e parti di Seguridad y Defensa.

Parlamentario Lee a señala cu e bishita aki ta cay net bon na e momentonan aki, pasobra nan por a compronde cu Defensa Hulandes ta considerando pa cera un di e postnan di Marina Real, sea esun di Aruba of esun di Curacao.

Den e cuadro aki ta importante, mirando e relacionnan existente den Reino Hulandes, y esnan nobo cu ta biniendo tambe, y e interes cu e relacion cu tin cu Marina Real, haci tur esfuerzo pa keda mantene e Kamp na Savaneta.

kazerne1E Kamp aki tin hopi aña instala na Aruba, desde 1929 Marina Real ta basta regular na Curacao y Aruba, y despues di tantisimo aña awor un ta bay disparce. Pa Staten, e bishita aki ta un forma pa demostra Mariniers Kazerne e interes cu tin di parti di Aruba, den e continuidad di su relacion cu Marina Real y su defensa, pero tambe den e relacionnan di Reino, cu por mantene sikiera un di e institutonan di Reino situa na Aruba.

E parlamentario a haci referencia na e discusion cu tabata tin pa tene e Hof na Aruba, pero por mira con esaki y mas instituto ta concentrando na Curacao, entre otro Kustwacht, y Parlamento ta spera cu alomenos un di e instancianan aki ta keda na Aruba.

El a subraya cu Aruba ta duna hopi importancia na Reino Hulandes, y ta di spera cu Reino Hulandes tambe por demostra cu e interes ta tambe ta mutuo, y cu por nos pais por keda cu un relacion mas largo cu Marina Hulandes.

- Advertisement -

1 COMMENT

  1. Ok, si e holandes nan kier hasi haci bezuiniging laga nan bai anto y papia cu e americano nan pa nan bin pone un base chiquito na Aruba, y pakiko no ??? ya nos tin duane Americano na Aruba caba nos economia ta depende gran parte di nan afterall y no di e reino.

DUNA COMENTARIO

Please enter your comment!
Please enter your name here