Home Policial Polis a persigui quadracer horta te na Saliña

Polis a persigui quadracer horta te na Saliña

0
0
SHARE
- Advertisement -

ORANJESTAD(AAN)– Dia 18 di december 2010 e brommer aki a wordo horta na un cas na Ponton. E doño ta un hoben cu conoce su quadracer hopi bon. El a keda busca te cu dia 21 di februari 2011 el a topa cu e brommer. Pa colmo el a reconoce esun riba e brommer como uno cu tabata tambe banda di su cas na varios ocasion den Ponton. Diripiente e brommer a somenta y no a mira e persona aki mas banda di su cas. A base di un informacion el a cuminsa busca den cierto area.
El a bin tende cu den Jaburibari y tambe Moko y Bushiri cu Madiki sa mira e quadracer ta move. Dialuna anochi el a topa cu e quadracer den area di Wendys na turbo Rotonde na Playa.
Polis a wordo yama y na yega e dos hombernan riba e quad racer a huy.

A cuminsa un persecusion y polis a perde nan den Boliviastraat. Parce cu polis tambe tabata sa mas of menos kico ta pasando y kendenan ta esnan envolvi.

E doño di quadracer a sigui henter e movecion di e ladronnan den area di Wendys te cu nan a bai hiba e brommer y coy auto.

Mas despues polis a bin na e adres cu nan tabata sospecha y a bin topa cu e quadracer. E doño tambe a yega y a reconoce varios pieza di su quadracer horta riba esun para na Saliña. Buscando un tiki mas leu a topa tambe cu un mac reem di su quadracer.

Bao di un dak a topa cu tur e resto di e piezanan. A haya motor y a base di documentonan polis mes a reconoce e number di motor cu ta cuadra cu esun di e documento.

A confisca quadracer y tur e piezanan. Fiscal a wordo yama tambe pa presenta na e adres. No a haya esnan riba e brommer pero si sa kende nan ta. E mama a bisa cu su yiu di 15 aña a cambia e scooter pa e quadracer.

Un tiki mas leu tabata tin un Sentra cu e mesun hobennan a ser mira den dje despues cu nan a huy pa polis riba quadracer. Tabata evaluando si lo tuma esaki tambe den beslag. E mesun adres Saliña 7 ta caminda a detene dos atracador net fin di aña hunto cu e team di aresto.

- Advertisement -

DUNA COMENTARIO

Please enter your comment!
Please enter your name here