Home General STA a haya siguransa cu su miembronan lo keda den APFA

STA a haya siguransa cu su miembronan lo keda den APFA

0
0
SHARE
- Advertisement -

ORANJESTAD(AAN):— E sindicato di empleadonan Aeropuerto Internacional Reino Beatrix, STA, ayera a reuni cu Gobierno di Aruba pa expresa nan preocupacion pa e hecho cu apesar cu nan kier keda den APFA, gerencia di aeropuerto kier hinca nan den otro fondo di pensioen.
E delegacion di STA encabesa pa su Presidente Diego de Cuba durante e reunion a expresa e preocupación grandi cu ta existi cerca e miembronan di STA. Pa algun siman caba tin e discusión aki andando, caminda e trahadornan ta insisti pa keda den APFA, mientras cu di otro banda nan ta sinti cu cierto miembronan di gerencia kier hinca den otro fondo, otro seguro.


Pesey na momento cu nan a cuminsa prepara pa e reunion di ayera, a acumula tur documento cu ta regarda e tema aki pa entregue na Prome Minister Mike Eman. Y entre e documentonan aki tabata tin copia di un protocol firma na 1996, caminda ta para gerencia di Triple A ta obliga pa wanta e trahadonan den e fondo di APFA. Y riba dje e trahadornan ta di opinion cu e no ta beneficia e trahadonan pa sali for di APFA y drenta otro compania.

Tambe nan tin pendiente un reunion cu Minister Otmar Oduber, cu tambe a ricibí e carta di petición.

Despues di e reunion de Cuba a splica cu nan a haya siguranza cu tur esnan cu awor ta den APFA ta keda eyden cu e mesun prima cu a keda palabra den Dialogo Social. Pues solamente mester bin cu un “overgangsregeling” y gerencia mester firma e acuerdo di financiamento.

 E preocupacion ta pa e otro grupo di trahado cu ta hinca den otro compania. E mes a wordo contacto door di un ex empleado cu ta pensioen, kende na fin di januari a cobra únicamente 400 florin.

E pensioen di AOV mes ta mas cu esey pero nan dos hunto, cu e 400 florin, no ta yuda den nada pa dos persona por biba decentemente. Y esaki ta loke e sindicato no kier pa pasa cu e trahadornan; kier pa “bouw op” algo cu nan por biba cune. Peor awor cu prijsnan di tur cos ta subiendo.

Mirando e ariba menciona, nan lo bay haci un apelación pa e personanan cu ta den e otro compania, tambe por bay cay bou di APFA. Esaki haciendo uzo di un brug pa APFA. E lo costa aeropuerto un tiki mas, pero e pensioen di e trahadornan lo ta mas razonable.

E cantidad di personanan cu ta cay bou APFA ta 55 y 8 cu no ta cay bou di ningun di dos. Logrando e meta di e sindicato, ta evita discriminación bou di e trahadornan di aeropuerto.

Na final de Cuba a bisa cu no ta keda gerencia nada otro pa haci cu acepta nan peticion, pasobra Prome Minister mes a bisa cu esaki ta algo cu a keda discuti den Dialogo Social y cu tur hende tabata sa di dje.

- Advertisement -

DUNA COMENTARIO

Please enter your comment!
Please enter your name here