Home General Susedido na KIA ta demostra e falta di maneho structura den e...

Susedido na KIA ta demostra e falta di maneho structura den e instituto

0
6
SHARE
- Advertisement -

problemakiaMinister Arthur Dowers ta politicamente responsabel pa coregi e blunder aki!
ORANJESTAD(AAN) Tin un dicho ta bisa cu si lama seca berguensa ta pa Dios, demostrando asina cu si algo bay robes, ta nos mes tin culpa di dje. Cu esaki ta referi na e susedidonan den KIA di diadomingo ultimo ora cu presonan a conkista e instituto. E fotonan relaciona cu esaki ta demostra un falta di respet total di presonan den KIA pa cu maneho di e centro coreccional. Ta increibel pa mira con presonan ta saca foto eyden cu nan BlackBerry, ta “post” nan status regularmente tur dia riba Facebook pa asina demostra con nan ta den control den KIA.

Y awor ta e colmo, nan ta logra burla di e personal, pasa dor di portanan cera y yega te riba dak!
Di un banda nan a logra nan meta, nan a haya atencion di prensa. Pero di otro banda, nan a demostra na nos tambe cu nan por haci algo asina, cu e facilidad den KIA ta asina mal regla y organisa cu presonan por conkista e prizon ora cu nan kier.

Tambe e ta siña nos cu KIA mes no tin e situacion bou di control mas y cu mester pidi Polis pa drenta y reestablece ordo den e luga. Tur esaki siendo cu tin dos cuerpo arma eyden cu nan mes lo mester por atende cu nan mesun asunto.

No pa nada, pero den KIA a bin cambionan drastico manera ta kitamento di e director Emy Geerman pa pone un Management Team na su luga. Cu tur respet pa e decision aki, cu porcierto a sosode masha scondi y sin anuncio publico, toch awe ta wordo cuestiona. Pasobra mientras ta haciendo cambionan den maneho di KIA, e directiva ta wordo reta dor di presonan cu ta demostra cu nan ta haci y deshaci eyden.

Minister Arthur Dowers no ta traha den KIA y no ta responsabel pa e maneho di tur dia pero sit a politicamente responsabel pa tur loke sosode eyden. E tin cu responde awor cu man duro den e instituto y traduci e mensahe di pueblo cu nos NO ta acepta e asunto aki sin mas.

Pueblo no por ta paga hende pa cuida preso y nan no ta cumpli cu nan trabou. Ora presonan logra conkista prizon te cu Polis mester bay interveni pa reestablece pas, ta un señal di falta di maneho structura cu tin den e instituto.

Pueblo awor ta pendiente pa algun contesta clave, manera ta ken ta responsabel pa e berguensa nacional cu a laga nos pais pasa aden diadomingo durante henter dia? Con shete preso por yega riba dak di KIA? Ta obvio cu esey no ta algo facil, sino nan lo a haci’e di masha tempo caba.

Ta obvio cu nan mester a haya acceso na portanan cu tabata habri en bes di cera y asina a logra nan meta, esta pa burla di e sistema y burla di nos husticia completo.

Tur hende ta mas pendiente awor pa Gobierno sali afo pa splica con lo evita ripiticion, kico lo haci pa coregi e presonan aki den nan conducta anti social. Mas cu bay cera e presonan den cachot, lo mester tuma medidanan severo tambe contra esunnan cu tin un salario halto pa maneha e instituto pero cu a faya den nan maneho.

E pueblo di awe no ta acepta un excuus suave sin mas. Locual nos kier sa ta ken a laga nos pueblo pasa dor di e berguensa nacional aki y con lo evita cu e ta sigui pasa, prome cu otro siman nos topa cu mas preso ta baila riba dak di prizon atrobe.

- Advertisement -

6 COMMENTS

  1. loke mi kier a omenta ta tokante e dokternan ku a keha pero nan a demonstra ku nan nunka a hasi algo pa nos mesun hendenan. ni worry nan ta worry ku e saludud di nos suidadanonan di Aruba ta milionario nan kier bira aki na Aruba. majoria di nan pasao ta un krenchi so tin ku di berdad ta funsionan komo debe ser. bon pa nan ku minister Visser a manda buska hendenan di afo pa sinja nan nan les. pabien minister Visser.

  2. mi ta spera ku awor e dokternan por tuma e bon ehempel di kumpli ku nan tarea komo dokter komo debe ser. lugar di salba of skapa bida ta muri nan ta laga e hendenan muri. un biaha asta kore nan a koremi for di EHBO na ornajeastad ku tur mi dolor ta Hulanda mi a bai riba mimesa pa buska mi salud. biniendo bek Aruba mi pais natal mesun tiro ku e dokternan ami ta kere ku hopi di nan ta abusador nan ta. danki na Dios ku Dios ta mira tur kos i skucha tur kos.

  3. ora ku awa jobe nos por mira un arko iris na shelo esei ta e promesa ku Dios a hasi na e ser humano ku e no lo laga nos pa nos kuenta. Dios ta existi i danki na su jiu Hesus ku a muri i resusita pa e ser humano ku nos por tin salbashon den djE.

  4. Un dokter a bisami pa mi hasi e test ku mi mester hasi ta afo mi mester bai. e no a kumpli ku su palabra i mi a ofende dor di bide ku ta mijonario e kier bira i no dokter pesei ela bisami pa mi pidie despensa anto e ora ei elo pidi e aanvraag na azv. no ta un ridikules ? sino ta pa e patient e dokter no tin trabow. emes tin ku pidi despensa paso ta e a faja e patient. nan kier sa ku ta nan ta Dios.

  5. Ha ha ha ha e prisoneronan aki a bai plat sin youth extreme anto riba dak di KIA ha ha ha
    Ja gobierno sa pa otro biaha bai cu Youth Extreme lage toca pa nan bai gewoon plat ja no ta bin cu tur e Fanfaria aki nan polis,helicopter, mobiele eenheid ambulance y brandweer i Cea bon arma.

DUNA COMENTARIO

Please enter your comment!
Please enter your name here