Home Hudicial Tratamento di caso di hortamento di koper a dura hopi largo y...

Tratamento di caso di hortamento di koper a dura hopi largo y a wordo posponi te cu diaranzon

0
0
SHARE
- Advertisement -

ORANJESTAD(AAN): Dialuna a presenta na corte Elmer A.P, Oscar R.V, Yris M.P.V, Ulises E.N.B, Mario A.G. y Rudolf T.A. Hunto cu Alex A.A.J nan a wordo acusa di hortamento di tubo di koper riba diferente fecha na 2010. Alex J. no tabata presente, pero e caso a wordo trata. For di mainta trempan te cu atardi laat e caso a dura. Huez a tuma su tempo pa repasa tur e dossiernan di e diferente casonan di hortamento di koper.
Entre otro koper a wordo horta for di Valero, for di Centro di Bario Brazil y for di un school.
Huez a repasa tambe e diferente declaracionnan cu e sospechosonan a duna na polis.
Entre otro por ehempel sospechoso Ulises B. a bisa cu algun biaha el a cumpra koper for di sospechoso Rudolf A.

Rudolf A. a declara na polis cu e no tabata tin trabao y cu na dado momento e tabata core den su pickup y el a wak un cantidad di cabel benta den mondi.
El a dicidi di coi esakinan pa bende.

El a kita e rubber for di riba e cabelnan di koper.
Segun R.A el a yama e U.B na su cel y U.B a bin cerca dje.

E homber a pisa e koper y a page pa esaki 4 florin pa kilo.
R. a splica cu mientras nan tabata bezig cu e koper, polis a bin.
El a bisa polis cu tabata prome biaha cu el a bende koper na U..

Polis a puntre si e no tabata sa cu e koper tabata pertenece na Valero y el a bisa cu no..
Valero a entrega un keho y a mustra atravez di un number di serie cu ta riba e cabel, cu ta nan propiedad.

U.B a bisa cu e no tabata sa cu e koper tabata horta. El a bisa cu e sa cu hopi hende ta tira cos afo na dump y cu e mes a yega di haya aluminium y koper eynan, pues e no a pensa cu R.A a horta e koper.

U. a bisa huez cu e tabata manda e koper pa bende na Colombia y nan tabata manda placa pe atravez di Western Union. Representantenan di Valero a indica cu na varios occasion caba nan a yega di entrega denuncia na polis di hortamento di cabel.

Valero ta sospecha entre otro cu hende ta bula drenta nan tereno cerca di DSL laundry, pa horta koper. Tabata tin partinan di e waya cu ta kibra y hendenan a yega di drenta for di eynan, despues nan a dreche y pone waya skerpi pero toch hende a logra drenta horta.

Nan a pone security eynan y na dado momento na Juli 2010 security a wak dos persona riba e tereno ta horta koper. Nan tabata tin un sker di corta hero y un garetiya. Security a yama polis y ora cu polis a yega na e sitio, e ladronnan a core bay.

Polis sinembargo a reconoce nan como Alex J. y Rudolf A. Nan a wordo deteni. R.A a bisa polis cu e y Alex a bin na e idea pa drenta horta koper, mientras cu Alex a bisa cu ta R.A a bin cu e idea.
Den corte huez a sigui puntra U. si e no tabata sa cu ta koper horta.

U. mes a bisa huez cu te cu el a haya yamada di R.A, e no tabata conoce. Pues huez a bisa cu ta straño cu U. ta haya yamada di un persona desconoci anochi laat cu ta ofrece koper pa e cumpra, sin cu U. por sospecha cu por trata di koper horta.

Huez a mustra U. riba e hecho cu e asunto di hortamento di koper a Sali varios biaha den prensa, pues un persona normal mester por sikiera sospecha cu ta koper horta. R.A den su declaracion na polis a menciona nomber di algun persona cu segun e tabata horta koper na entre otro Palo Marga y Valero y nan tabata trece pe, pa e bende esaki.

El a bisa cu el a tuma e culpa pa cierto di e koper cu nan a horta. Huez a repasa tambe e parti di e rapport riba hortamento di koper na Rooi Koochi.

Sospechoso Vincent F.K mihor conoci como “Biba Leu” a admiti cu el a horta koper na cas di hende, pero no e cantidad cu ta wordo bisa. Den e dossier ta papia di 30 meter di tubo di koper, siendo cu segun Biba Leu tabata hopi menos.

El a bisa cu como adicto e no tin auto y cu ta imposibel cu e por a carga tur e koper bay cune.
Despues cu huez a pasa oranan largo ta repasa e dossiernan di e caso aki, el a dicidi di pospone tratamento di e caso te cu Diaranzon.

- Advertisement -

DUNA COMENTARIO

Please enter your comment!
Please enter your name here