Home General Un prison ta un institucion hopi dificil pa maneha pero KIA lo...

Un prison ta un institucion hopi dificil pa maneha pero KIA lo keda maneha di e forma mas optimal posible

4
0
SHARE
- Advertisement -

Minister Dowers:  E balance mester tey y mester wordo busca aunke no ta facil
ORANJESTAD  (AAN):  Despues di e incidente cu a sosode na KIA den fin di siman, relaciona cu e accion di e presonan,  Minister Dower a duna di conoce cu dia 15 di Maart lo tin e tratamento di apelacion di e caso.  A bisa cu gobierno ta spera un bez mas di por convence corte di apelacion cu e interesa cu ta wordo sirbi na e momento cu a persona aki ta deteni ta un interes cu ta pisa mas cu nan wordo laga den libertad pasobra cu nan a causa un daño den comunidad, cu nan lo mester paga pe.

    E ta spera cu esnan cu ta critico riba e maneho cu gobierno ta hiba ta conciente cu esaki ta pa interes general. Proteccion cu kier brinda ta pa henter comunidad, inclusive esnan cu ta comete actonan di crimen contra di e comunidad. E minister ta spera tambe un tiki comprension di esnan cu no conoce e situacion berdadero ya cu no ta un situacion cu a nace awe sino cu a crece pa hopi aña y cu kier cambia.  Si kier cambie mester hacie di un forma responsable y segun cu por carge, a bisa.

       Banda di esaki e mandatario a remarca cu gobierno no por pone tur e placa di presupuesto den prison pa tur hende por tin un situacion placentero y e ora no tin placa pa enseñanza, por ehemplo.

   E balance mester tey y mester wordo busca aunke no ta facil. Esey ta uno cu comunidad mester ta conciente cu ta uno cu nos tur ta carga y ta paga pe, a manifesta.  

      A agrega cu loke a pasa diadomingo ta un situacion unda presonan a dicidi cu lo bay desobedece e reglanan den KIA. Pa cualkier razon cu kier a hacie, e ta fout.

   Si nan no ta contento cu e sentencia di huez, mescos cu Gobierno mester respeta e veredicto di huez.  Unico cos cu por haci contra ta apela e caso, a señala. Mesun cos ta conta pa e prisioneronan.

        Gobierno no a bay protesta ora cu e sentencia a cay na fabor di e presonan biaha pasa, Minister Arthur Dowers a splica.

   E prisionero mester compronde tambe cu ora cu no cumpli cu e reglanan den prison esey tin consecuencianan pe. Solamente cu su castigo ta bay ta mas largo. Cada biaha cu un preso haci cos robez nan ta actua pa pone orden bek, a remarca.

    Mester ta conciente cu tin podernan cu ta move y cu ta poniendo e presonan haci cosnan robez. Gobierno tin e responsabilidad pa garantiza cu tur cos ta cana den orden. Cada bez cu un prisionero haci un cos cu no ta na ordo, lo percura pa tin suficiente autoridad y medidanan pa por calma e situacion bek.

     Gobierno ta conciente cu tin cosnan cu e ultimo añanan no a bay bon den prison. Esaki ta keda un reto pasobra toch un prison ta un institucion hopi dificil pa maneha, pero e lo keda maneha di e forma mas optimal posible, Minister Dowers a expresa.

- Advertisement -

DUNA COMENTARIO

Please enter your comment!
Please enter your name here