Home General Unda bo promesa a keda di scuha pueblo prome cu hinca nos...

Unda bo promesa a keda di scuha pueblo prome cu hinca nos den UPG?

7
0
SHARE
- Advertisement -

Booshi Wever na Mike Eman:
ORANJETSAD (AAN): Na Universidad di Aruba a tuma lugar un simposio interesante relaciona cu UPG y LGO. Oradornan invita, tur profesornan internacional tabata di acuerdo cu LGO ta brinda mucho mas beneficio pa Aruba, y sin riesgo. Cu UPG e opinion comun tabata cu nos NO sa si e por tin beneficio, pero si nos sa cu tin hopi riesgo si nos drenta e UPG. Ningun di e profesornan presente ta haya cu UPG ta un alternativa pa Aruba. Anto pakico ainda tin politiconan ta persisti pa UPG? Segun Booshi Wever di MEP, Minister Presidente Mike Eman a hiba palabra un rato y despues a desaparese, sin cu ningun hende por a hacie pregunta. Den su discurso prome miniser a bisa bon cla cu Aruba mester bay pa UPG, cu ta un desafio cu nos no por laga un banda. Aparte di e argumento aventurero di nos prome minister, e no por a duna ningun, pero ningun argumento drechi pakico nos mester drenta UPG. Es mas, e no a keda durante e simposio pa por scucha profesornan renombra splica pakico UPG NO ta e solucion pa Aruba, pero el a bay mesora.

Mike Eman den su discurso cortico a critica e profesornan di Universidad di Groningen cu a conseha pa Aruba NO drenta den UPG. Aki ta referi na e rapport “Schurende Rechtsordes”, caminda cu e desventahanan di UPG ta worde trata, y caminda e profesornan ta yega na e conclusion cu Aruba NO mester scohe pa UPG. Mike Eman a bisa di ta desepciona den e profesornan, pero di su banda no a duna ningun argumento pakico e rapport y su conclusionnan lo no ta correcto!

Durante campaña electoral na 2009 MEP a debati constantemente riba LGO vs UPG, y kico AVP su unico contesta tabata, cu e eleccion aki no ta bay tocante UPG ni LGO, y dia cu Aruba mester bay scohe pa UPG, lo tene un referendum prome. Awor e pregunta na nos prome minister ta, unda bo promesa a keda di scucha pueblo prome cu hinca nos den UPG? Acaso ta otro promesa falso di campaña?

Maske nos prome minister no a keda pa scucha e demas oradornan, tabata tin algun miembro di AVP si presente, pues, nos ta spera cu nan SI por hiba e mensahe cla y raspa pa Mike Eman stop di hunga cu nos pueblo y lubida e aventura di UPG!

- Advertisement -

DUNA COMENTARIO

Please enter your comment!
Please enter your name here