Home Evenemento Workshop Tecnica Mental Di Baha Peso

Workshop Tecnica Mental Di Baha Peso

1
1
SHARE
- Advertisement -

Esaki ta bo regalo di aña nobo

ORANJESTAD (AAN): Fundacion Desaroyo Integral ta organiza un workshop pa introdusi na bo diferente technica mental pa yuda bo baha peso.

   Mayoria hende cu tin problema cu sobrepeso ta experencia con dificil e ta pa perde e sobrepeso aki. Bo ta tene dieta, bo ta perde un cantidad di kilo y despues di e dieta bo ta subi back y tin biaha asta bo ta haya mas peso cu prome cu bo a cuminsa cu bo dieta.

   Of tin biaha bo ta cuminsa cu yen di animo cu bo plan di dieta y ehercicio y na mitar caminda bo a laga para y bo ta cai back den e costumbernan biew. Asta tin biaha bo ta purba cu dieta y ehercicio y casi bo no ta baha nada. Hopi di nos conose e frustracionnan aki hopi bon!

Y riba dje tur e comentarionan cu bo ta haya di hendenan rond di bo, cu ta bisa bo kico bo meste haci y kico bo no meste haci y esaki no ta hacie nada mas facil. 

E echo ta cu bo no ta culpabel di bo sobrepeso. E causa ta e programacion mental cu ta den bo cerebro. Esey kier men cu loke bo mester haci ta cambia e programacion aki.

Awor nos ta ofece un workshop cu ta trata diferente technica mental pa bo cambia e programacion mental aki.  Anto e oraei di mes bo ta cuminsa baha. Bo no tin nodi bringa cu bo mes mas pa no come esaki of esaya. E technicanan aki ta hopi efectivo.

E workshop aki ta den man di dr. Robert Leal y lo tuma luga diasabra mainta awo dia 5 di februari di 9’or pa 1’or na Sun Plaza Mall (banda di Ling& Sons), piso 4.  Pasa busca bo ticket na Plaza Bookshop y Van Dorp den Avenida Milo Croes, Aruba Post (de Wit bookstore) na San Nicolas.

- Advertisement -

1 COMMENT

  1. Lo mi a desea di haya contact directo cu Sr. Robert Leal. Boso tin su email adres?
    Masha danki di antemano.

DUNA COMENTARIO

Please enter your comment!
Please enter your name here