Belastingdienst tambe tras di e caso di razzia
Dos detencion den investigacion fiscal-penal grandi
ORANJESTAD (AAN): E investigacion cu tabata worde haci tras di cortina, a yega Diaranzon mainta asina leu, te cu autoridad a dicidi na actua y tene algun razzia pa busca material di prueba!
Asina pues, Diaranzon mainta, e unidad di investigacion FIOT di Belastingkantoor den cooperation cu RST y Cuerpo Political di Aruba a tene huiszoeking na varios lugar na Aruba, den cuadro di un investigacion fiscal-penal bao responsabilidad di Ministerio Publico.
Na e mes momento a tuma lugar tambe actividadnan di investigacion na Colombia, den cuadro di e investigacion na Aruba y den cooperacion cu autoridadnan Colombiano.
Un di e actividadnan aki tabata un huiszoeking. Opsporingsambtenaarnan di Aruba tabata presente na Colombia.
E accionnan a tuma lugar como parti di un investigacion di posible fraude cu belasting y delitonan di labamento di placa lia na esey door di e comerciante Arubiano H.M. y su casa F.D.L.-M. kendenan ta exploita varios negoshi na Aruba. Na un restaurant na Playa tambe a bay haci control, y di aki a bay cu masha hopi documento y buki di accounting, etc.
Durante e accion na Aruba a tene huiszoeking na tres cas, cuatro negoshi y un oficina di accountant di e sospechosonan. Na Colombia a tene huiszoeking na un hacienda.
Den e huizoekingnan a confisca particularmente documentonan cu tin di haber cu finanzas y administracion di e negoshinan, manera bukinan di administratie, cahanan di registro, computernan, etc.
Loke a haci e caso mas interesante, ta ora cu na dos adres di e sospechosonan a haya armanan ilegal di candela. Tambe a confisca algun obheto di valor, manera un auto y un boto. Varios persona a worde scucha pa polis, entre nan, e sospechosonan.
Dos sospechoso, H.M. y P.M., a worde deteni. E investigacion ta relaciona cu sospecho di un fraude di belasting grandi. Entradanan cu tabata worde genera pa e sospechosonan cu nan negoshinan tabata sea no of no completo duna na belasting. A consecuencia di esaki Pais Aruba, asina ta e sospecho, a worde bastante perhudica den su entrada na belasting.
E ventaha financiero mara na esey tabata worde laba. Intencion di e accion di awemainta tabata pa Belasting por haya mihor vista riba e manera di traha di e sospechosonan y pa calcula cuanto e perdida tabata exactamente. E restaurant mientras tanto a sigui funciona, y Diaranzon anochi tabatin hopi turista aden.
Fichi
Aviso y consejo na tur bendedor di droga. Paga bo belasting sino belastingdienst lo bai bo tras cu polis te cu na Colombia.
Aida
Kudos na e polisnan ku ta hasi un trabow masha excelente mes. Go after the bad guys and put them in jail for ever.