Casonan awe den corte di prome instancia
ORANJESTAD (AAN): F. D., W.HB., F.J.A.K. y A.T.C.A. nv/E.A. ta worde acusa di, conhuntamente cu otronan of un otro, a usa sushi pa yena of hisa un tereno y/of a montona sushi y/of otro desperdicio riba e tereno aki, e sushi consistiendo di grofvuil y/of sushi di cushina y/of sushi di construccion y/of sushi di restaurant y/of tire y/of frigider y/of airco y/of mata y/of boter di plastic y/of boter di cervez y/of palo y/of bleki di verf den e periodo di 15 di november 2008 te 3 di december 2008.
Nan ta worde acusa di, conhuntamente cu otronan of un otro, a traha y/of seronan di sushi riba un tereno habri of cera den e periodo di 15 di november 2008 te 3 di december 2008.
Tambe nan ta worde acusa di, conhuntamente cu otronan of un otro y sin permiso di minister, a haci trabaonan, esta, hisa y/of yena un tereno, door di cual a causa desorden y/of molester serio y/of a plama aire y/of gasnan dañino y/of fies, cu por a sinti riba terenonan y/of camindanan bisiña, den e periodo di 15 di november 2008 te 3 di december 2008.
Nan ta worde acusa di, conhuntamente cu otronan of un otro y sin permiso di minister, a lanta y/of a amplia un instalacion pa dump sushi, cu door di plama mal holor y/of huma y/of dampnan y/of desorden a causa molester y/of daño y/of peligro den e periodo di 15 di november 2008 te 3 di december 2008.
Alavez nan ta worde acusa di, conhuntamente cu otronan of un otro, a pone y/of tira y/of basha y/of tene sushi y/of obhetonan pafor un dump apunta pa minister den e periodo di 15 di november 2008 te 3 di december 2008.
A.M.M.G. ta worde acusa di a intencionalmente maltrata un persona riba 18 di mei 2009.
J.U.J.T. ta worde acusa di a intencionalmente maltrata un persona cu un arma, un pata di cabra, riba 2 di oktober 2009, door di dal y/of prik e persona varios biaha cu e pata di cabra na su curpa, a consecuencia di cual e persona a resulta herida y/of a sufri dolor.
Tambe e ta worde acusa di a menaza un persona cu un crimen contra su bida y/of maltrato serio riba 2 di oktober 2009, door di bise na un manera intencionalmente menazante: “Mi ta bay mata bo”.
V.E.A. ta worde acusa di exportacion di cocaine riba 16 di augustus 2010.
J.L.P. ta worde acusa di, conhuntamente cu otronan of un otro, a intencionalmente transporta y/of warda y/of sconde un auto procedente di crimen riba 18 di januari 2009.
M.M.M.O. ta worde acusa di a ladronicia den un cas di un laptop y/of otro pertenencianan di un persona riba 11 di juni 2009. Tambe e ta worde acusa di ladronicia den un cas di un boter di refresco di un persona riba 8 di oktober 2009.
O. ta worde acusa alavez di ladronicia den un cas di un laptop y/of otro pertenencianan di un persona riba 22 di oktober 2009. E ta worde acusa di ladronicia den un cas di un laptop y/of otro pertenencianan di un persona riba 23 di oktober 2009.
E.R.R. ta worde acusa di a intencionalmente maltrata un persona cu un arma (esta, un boter di rom mitar yen) riba 12 di september 2010, door di tira e boter contra braza di e persona, a consecuencia di cual el a resulta herida y/of a sinti dolor.
