Home General Durante “Earth Hour” awenochi simbolicamente lo paga e luznan di Willen III...

Durante “Earth Hour” awenochi simbolicamente lo paga e luznan di Willen III Toren

1
0
SHARE
- Advertisement -

torenluzAruba lo celebra Earth Hour na Fort Zoutman entre 8:30 PM y 9:30 PM ! ORANJESTAD (AAN):
Awenochi entre 8:30 PM y 9:30 PM
lo tin e evento mundial conoci como “Earth Hour”.
Na Aruba, Earth Hour Aruba Community
Group, debi na e hecho cu nan no tabata
tin un permiso pa tene un evenemento
durante e ora aki, simbolicamente a
pensa di reuni un rato dilanti di
Museo Historico (Willem III Toren
of Fort Zoutman) pa asina registra e
participacion di Aruba durante e Earth
Hour mundial organiza pa e Fondo Mundial
pa Naturaleza (WWF).
Manera a ser treci dilanti caba, EHACG a haya sosten di Minister Michelle Hooyboer-Winklaar pa durante “Earth Hour” paga e luznan na Museo Historico como muestra di un acto simbolico.
Ayera di ultimo ora, DIARIO a haya informacion atravez di Edward Erasmus y di Elthon Lampe cu EHACG lo tene tog un evento informal. “Nos lo paga e luznan, y tur hende ta welcome”.

“Bin cu bela. Nos lo sinta riba e plein paden di Willem III pa un ora. Pa muchanan lo tin algun entertainment”, Edward Erasmus a indica. Tambe lo tin algun hende cu pa toca steelband, a agrega.

DIA PA REFLEHA

Mundialmente, den cada pais cu ta participa di Earth Hour tin un ceremonia. Durante di esaki e hendenan ta yega y ta cende nan bela, ta toca musica acustico y ta tene reflexionnan relaciona cu e dia aki.

Rond mundo, ta papia riba un plan pa e aña benidero. Ta bin ideanan dilanti manera kico por haci cu reciclahe, planta mata, haci algo na eficiencia, etc, a bisa.

ARUBA RIBA MAPA

Banda di esaki Elthon Lampe, un di e organizadornan di Earth Hour Aruba, a laga sa cu un di e rekisitonan di WWF pa un pais por participa ta defini un “landmark”, un edificio, un momento pa forma asina por aparece riba Earth Hour su webpage.

Pesey for di cuminzamento EHACG a lucha pa por a haya sosten di gobierno, pero den e dianan aki a cera e registracion.

DIARIO tin entendi cu ta te Diahuebs cu EHACG a haya un contesta di parti di Gobierno den nomber di Minister Hooyboer-Winklaar cu lo paga e luz di e museo. Sigur un bunita gesto tambe di Minister Hooyboer-Winklaar.

Loke por haci despues di Earth Hour ainda, Lampe a bisa, ta mustra kico Aruba a haci y riba e mapa di mundo Aruba tambe lo bin como un di e paisnan cu a participa, a indica.

INTERES LOCAL

Via Facebook por a ripara ayera cu Earth Hour Aruba maratonicamente tabata alcanzando 500 fan cu a laga sa cu nan lo paga nan luz, locual ta nifica cu e iniciativa a haya bastante sosten.
Sinembargo, tog por a ripara cu tin hendenan cu a haya invitacion y cu a laga sa cu nan no lo join e evento. E grupo aki tabata un minoria.

Algo cu mester destaca ta cu School Basico Washington a doe mee Earth Hour ayera mainta y como acto simbolico na cada klas a paga e luznan y e airco durante un ora. Esaki sigur ta un bunita gesto di e school pa motiva e muchanan riba e conservacion di nos medio ambiente y e consumo di energia.

Si bo ta participa di Earth Hour na bo cas, saca boso potret durante e ora aki y mande pa Earth Hour Aruba riba nan Pagina di Facebook. Door di haci esaki Aruba lo por documenta y laga mundo henter sa kico a worde haci na nos isla.

Segun Lampe, e meta ta pa raporta kico a pasa na Aruba durante Earth Hour y tambe upload esaki riba e webpage di Earth Hour.

- Advertisement -

DUNA COMENTARIO

Please enter your comment!
Please enter your name here