Home Policial Kizas Vocero Policial no a compronde envergadura di e ley:

Kizas Vocero Policial no a compronde envergadura di e ley:

1
0
SHARE
- Advertisement -

Lider di PDR ta reitera: “ley defensa propio no ta promove arma di candela den cas”
ORANJESTAD (AAN) – Tocante un comentario duna pa Vocero Policial relaciona cu e ley di defensa propio, preguntanan a worde haci na Parlamentario mr. Andin Bikker, cu a presenta e proyecto di ley cu despues Minister di Husticia a adopta.
E parlamentario ta pensa cu vocero policial no ta compronde e envergadura di e ley, segun su palabranan despues cu un miembro di prensa a comenta cu e funcionario su impresion ta cu e ley ta promove uso di arma di candela na cas, locual por genera otro tipo di situacionnan cu por para den tragedia familiar manera a sosode den fin di siman.
Parlamentario Bikker a aclarea un biaha mas cu e ley aki ningun momento ta dirigi su mes na fomenta uso di arma di candela. Diferente biaha el a remarca esaki, den conferencianan di prensa anterior.

“ E ley aki, cu awor Minister di Husticia a adopta ta den e Codigo Penal cu lo worde trata den e proximo simannan, y ningun momento e ta dirigi personanan bay carga arma of pa legaliza su uso”, Bikker a remarca.

“ E ta worde dirigi pa e ironia di bida cu hopi hende ta confronta cune, tanto comerciante como famianan den nan cas, cu ta worde sorprendi door di hendenan cu mal intencion cu kier muda nan pertenencianan sin nan permiso y ora nan defende nan curpa, tan nan ta worde deteni y cera comosifuera ta nan a comete un crimen”, el a agrega.

Unico cos cu e ley di defensa propio ta haci, ta bin cu un asumpsion cu ora un persona ta defende su mes den su cas of negoshi, for di un intruso of criminal cu a drenta sin su permiso cu mal intencion, cu el a defende su mes corectamente.

Parlamentario Bikker a acentua cu e ley tin nada di of nada di haber cu casonan lamentable, por ehemplo locual a sosode den fin di siman cu a pasa, cu ta den e esfera relacional. E ley no ta promove esaki tampoco, sino cu e casonan lamentable aki ta den un atmosfera completamente distinto. Bikker ta pensa cu kizas Vocero Policial no a compronde e dimension di e ley di defensa propio, unda un cambio masha chikito a worde haci den nos Codigo Penal, y cu na beneficio di esun cu ta worde agredi den su cas door di un malhechor, esta un hende cu no ta biba den su cas y ora ey autoridad ta asumi cu el a defende su mes.

Den diferente pais tin estudionan riba leynan asina aki, y por ehemplo na Curacao, el a worde adapta for di April 2010 y e ta bayendo sumamente bon. Ademas, e tin un aspecto preventivo cu e personanan cu tin mal intencion di drenta cas di hende ta bay pensa dos biaha pa hacie, pasobra nan sa di antemano cu nan por worde mal sirbi ora nan ta drenta e lugar.

- Advertisement -

DUNA COMENTARIO

Please enter your comment!
Please enter your name here