Home General Presupuesto di pais Aruba ta bay worde entrega awemainta

Presupuesto di pais Aruba ta bay worde entrega awemainta

1
0
SHARE
- Advertisement -

Dentro di e cuadro financiero prescribi
ORANJESTAD (AAN): Gobierno di Aruba ta entrega awemainta e presupuesto 2011 na Gobernador di Aruba pa asina e bay Raad van Advies y cuminsa su proceso legislativo. E presupuesto ta fiha e maneho di Gabinete Mike Eman pa aña 2011 y ta keda ampliamente dentro di e cuadro financiero manera prescribi na aña 2010. Gabinete Mike Eman ta demostra di hiba un finanza publico sostenible y responsable pa e añanan 2010-2013.


Banco Central di Aruba ta pronostica un crecemento economico di 12%. “Pa calcula e entradanan nos a mantene nos mes na un porcentahe mas conservativo”, segun Minister de Meza. “E entradanan ta suma un poco pas cu 1 biyon di Florin”.

For di esakinan nos mester financia e gastonan gubernamental como tambe e inversionan cu ta toca na Gobierno. E gastonan di gobierno pa 2011 ta suma casi 1.3 biyon di Florin. E aña aki minister di Finanza a instrui un reduccion di 35% riba gastonan di operacion variable, kedando asina tambe den linja cu e cuadro financiero presenta na 2010.

“No obstante di maneho nobo, nos a logra mantene e gastonan di gobierno na mesun nivel cu aña pasa. E tendencianan structural aki lo permiti nos un espacio fiscal pa financia proyectonan cu a ser poni como prioridad den e Plan di Gobernacion di Gabinete Mike Eman”, Minister De Meza ta elabora.

Aña pasa Gabinete Mike Eman a logra sera e Settlement Agreement cu Valero finalizando asina disputanan fiscal y na corte di arbitrahe pa imposicion di BBO riba exportacion. Danki na e preseverancia di Gobierno di Aruba por a conta cu un suma di 210 miyon adicional aña pasa, cu e aña aki no por conta cun’e mas. E presupuesto di Pais Aruba pa aña 2011 ta conta cu un deficit presupuestario di 275 miyon di Florin.

Cu e presupuesto aki Gabinete Mike Eman kier expresa su determinacion den e rumbo nobo cu a ser marca pa un recuperacion total di nos economia. E resultadonan di Dialogo Social sigur tabata determinante den esaki, como tambe e plan amplio di inversion infrastructural, urbano y tambe riba tereno energia alternativo. Maneho di gobierno tin como fin pa hisa e calidad di e producto Aruba como tambe como tambe estimulo economico pa mehora e calidad di biba di nos habitantenan.

- Advertisement -

DUNA COMENTARIO

Please enter your comment!
Please enter your name here