Home General Situacion den KIA cada dia mas desastrozo

Situacion den KIA cada dia mas desastrozo

2
0
SHARE
- Advertisement -

Investigacion: Edmond Lo-A-Njoe a haya yabi di boei den KIA
Presonan keto bay tin e control di e prison
ORANJESTAD(AAN): E caso di intento di fuga diamars cu e preso Edmond Lo-A-Njoe parce di lo tin un rabo mas largo cu hopi hende a pensa. Investigacion preliminar ta indica cu e preso di 21 aña di edad, cera pa un acusacion pisa, a haya cooperacion for di den KIA y tabatin jabi di boei den su poder ora nan a gar’e back. Edmond Lo-A-Njoe a pidi y a haya aprobacion di Ministerio Publico pa bay despedi di un familiar di dje cu a fayece. A transport’e den un auto special di C.E.A. (Pues no e vannan) debi cu ta un solo preso e tabata. Cu tur confianza, e personal di C.E.A.

a tuma e preso over for di nan coleganan di K.I.A. na e instituto coreccional y a bin abou cune den auto. A boei e hoben na man y pia, manera ta costumber y segun reglanan ora di transporta un preso di e caliber di Edmond Lo-A-Njoe. E auto di C.E.A. tin un separacion special patras pa e presonan por sinta pero cu toch no tin contacto cu e personal di C.E.A. dilanti.

Pero na momento cu a yega Mementomori Funeral Home, pensando cu sigur e hoben lo ta yen di duele pa bay despedi di su ser keri, a habri e porta cu tur confianza pa e baha y bay paden. Na e momento ey, e preso NO tabata geboei mas, ni na man y ni na pia.

El a sorprende e oficial di C.E.A. cu un mokete bon manda den su cara y a mand’e suela mesora. Na mes momento el a sali na careda den direccion di T.E.C. cu ta situa net banda di e funeraria. Mientras cu un di e oficialnan a pidi pa resfuerso, esun cu Edmond Lo-A-Njoe a dal mes a sali su tras na pia.

Manera nos a informa ayera caba, ta trata aki di un persona den bon condicion y ta instructor di arte marcial. Den tur trankilidad el a core tras di e hoben recidivista y gar’e, boei’e back y trec’e back na elugar mientras cu e demas coleganan di C.E.A. a yega cu e van special pa transporta presonan peligroso.

Un cos si, e cuidadornan di preso no por a compronde con nan a boei Edmond Lo-A-Njoe na man cu pia y ora cu el a yega Mementomori Funeral Home e no tabata geboei mas te cu e por a sali core duro pa purba scapa y burla di husticia. Na momento cu a gara e hoben, a bin descubri’e cu un jabi special di boei den su poder, cual obviamente el a uza pa por a los e boei na su mannan y su pianan.

Un investigacion riguroso a cuminsa awor den K.I.A pa por saca afor con Edmond Lo-A-Njoe a yega na e jabinan y specialmente cual cuidador di preso a dune. Obviamente esun cu a haci su mes culpabel na e acto aki no tin su trabao na serio y ni ta tene su coleganan na cuenta pasobra den e proceso e hoben a maltrata un oficial di C.E.A tambe.

Mientras cu di un banda nos tin palabranan di elogio pa e forma tactico cu e dos oficialnan di C.E.A. a atende cu e caso serio aki, di otro banda ta surgi e discusion atrobe di e situacion den K.I.A. Ta dunando un impresion cu e instituto no ta bou di control y presonan ta sigui manda señalnan na comunidad cu “nan” ta sigui den control!

- Advertisement -

DUNA COMENTARIO

Please enter your comment!
Please enter your name here