Home General VALERO a yega bek 200 mil bari pa dia

VALERO a yega bek 200 mil bari pa dia

0
0
SHARE
- Advertisement -

Contribucion importante na crecemento economico di Aruba pa 2011
ORANJESTAD(AAN): Dia 31 di october 2009, na momento cu Gabinete Mike Eman a tuma rienda di e pais aki, e gobierno nobo a wordo confronta cu no solamente e consecuencianan di un crisis economico mundial y ciere di refineria Valero, pero tambe cu un maneho economico gubernamental cu a sali completamente for di man. Ora a traha riba e presupuesto di 2010 a resulta cu e deficit presupuestario real di 2009 a yega e suma astronomico di 188 miyon. E consecuencianan di e crisis economico mundial mescos tambe e ciere di e refineria a trece un deficit den e presupuesto basico di 2010 di 230 miyon.


Intervencion
Intervencion inmediato y energico tabata necesario. Cu un maneho socio-economico y financiero bon delibera, Gabinete Mike Eman a scoge pa e siguiente procedimento: controla e crisis, sanea finansa publico, trece bek e confiansa den Aruba tanto local como den Reino, mehora e actividadnan economico esencial y pa di e forma aki finalmente yega na un crecimento economico duradero.

Perspectiva y restauracion completo na 2013
E prome medidanan pa sostene economia y e capacidad di compra cu tabata bahando mescos tambe pa amplia e espacio financiero pa negoshinan, a duna resultado positivo. Aña 2010 ta wordo caracterisa pa un maniobra di recuparacion (inhaalslag) y logro di un cambio crucial den e trend negativo economico.

A bin un fin na e inflacion interior y e fondo di e crisis a wordo alcansa. E perspectivanan pa 2011 ta mustra bon. E efectonan positivo di e reforma di e sistema di pensioen pa empleadonan publico, saneamento di e aparato gubernamental y sector di cuido, renobacion urbano y e proyecto di mehoracion di bario di gobierno, ta bira visibel e aña aki.

Cu recuperacion di turismo y reanudacion di e actividadnan di e refineria dor di Valero (nan ta caba riba 200.000 bari pa dia), economia di Aruba despues di un depresion di mas di 10% lo draai atrobe riba tur su forsa. Despues di un aña gobierno a haci e cambio necesario y ta riba rumbo pa na aña 2013 trece bek e deficit presupuestario na un nivel acceptabel.

- Advertisement -

DUNA COMENTARIO

Please enter your comment!
Please enter your name here