Home General WEB ta bati alarma cu tarifanan lo subi

WEB ta bati alarma cu tarifanan lo subi

2
1
SHARE
- Advertisement -

weboilAumento den prijs di Fuel cu nan ta paga ta alarmante y por tin consecuencianan severo
ORANJESTAD (AAN): Riba Diabierna mainta, W.E.B. Aruba NV, a bati alarma! Nan ta manda mensahe cu pueblo tin di prepara! Di e forma aki, nan kier a informa consumidornan riba algun desaroyo global cu na e momentonan aki ta tumando luga y cu tin un efecto grandi riba prijs di Fuel Oil y cu lo por tin consecuencianan severo pa WEB y pa e tarifa di awa y coriente. Desde october aña pasa, gerencia ta siguiendo e desaroyo di e prijs di Fuel Oil di cerca como cu desde e tempo ey ya caba esaki a cuminsa aumenta gradualmente. Remarcabel ta cu den ultimo tres luna el a aumentando drasticamente.

Esaki tin di haber cu e desaroyonan mas recien den Medio Oriente, principalmente na paisnan manera Libia, Egipto y Bahrain tambe incluyendo Iran, Tunisia, Oman. Esakinan a crea un desbalansa total den e region cu aworaki ta causando e efecto no desea aki.

Den e grafico aki bao por mira con e prijs di Fuel Oil a desaroya desde october di aña pasa y specificamente durante e ultimo cnco luna. Prome cu october e prijs tabata bastante stabiel y despues di october e aumento ta gradual.

Durante e ultimo tres luna si tin un aumento drastico den prijs di Fuel Oil di alrededor di US$ 80 pa bari na Januari pa casi US$ 100 pa bari na maart. E aumento aki ta sumamente alarmante y p’e motibo aki WEB ta informa pueblo riba e posibel consecuencianan severo pa WEB y conecuentemente pa tarifa di awa y coriente.

Manera ta conoci, e prijs di Fuel Oil tin un relacion directo cu e prijs di awa y coriente, Fuel Oil ta representa mas cu 70% di e gasto operacional pa produccion di awa y coriente. Cualkier aumento drastico den e prijs di Fuel Oil tin un efecto similar riba e gasto di produccion di awa y coriente.

WEB ta sigui e desaroyo aki diariamente y ta spera cu e lo no persisti y cu e prijs di Fuel Oil cay back na e nivel mas abou aria menciona riba cual e tarifa actual di awa y coriente ta basa. Si esaki no pasa e ora WEB lo por hay’e forsa pa adapta e tarifa di awa y coriente adecuadamente cu siguramente no ta desea.

- Advertisement -

1 COMMENT

  1. Ta tempo pa gobierno cuminza duna credit atravez di belasting na tur hende cu cuminza uza solo y biento pa e energia pa nan cas. Esaki lo tin tremendo consequencia positivo den e area di divisanan lo keda Aruba y lo crea hopi trabou pa e entrepreneursnan cu lo cuminza ofrece e servicio aki. Esaki ta un comentario humilde cu no ta cumbini Elmar y lo conseja gobierno pa no haci algo asina common sense!

DUNA COMENTARIO

Please enter your comment!
Please enter your name here