Home General A pidi Gobierno pa trece claridad encuanto ley contra labamento di placa...

A pidi Gobierno pa trece claridad encuanto ley contra labamento di placa y combatimento di terorismo

0
0
SHARE
- Advertisement -

Parlamentario Juan David Yrausquin:
ORANJESTAD (AAN): Un topico cu mas biaha caba ta worde treci dilanti pasobra esaki tin di haber cu combatimento di labamento di placa y financiamento di terorismo. E parlamentario Juan David Yrausquin a papia riba introduccion di e leynan aki y a señala cu esaki a drenta parlamento. Lo entrega pregunta cu lo bay den direccion di Gobierno pa asina gobierno contesta esaki pa parlamento trate mas lihe posible, a bisa. Introduccion di e ley aki ta mara na un otro ley cu no a yega parlamento ainda y si ta wak e preguntanan cu ta haci den e ley aki ta pidi gobierno pa trece claridad riba ki tempo e ley aki lo drenta parlamento? Kico ta e palabracionnan cu a haci  Financial Action Task Force (FATF) y con leu ta cu e complemento?
Yrausquin a agrega cu un otro aspecto ta cu e leynan aki lo tin hopi consecuencia pa diferente organizacion y instancia y e pregunta ta si ta dunando entrenamento, si ta teniendo cuenta tambe cu e gruponan aki debidamente.

Ta importante pa cumpli cu e ley aki pero tambe cumpli cu palabracionnan haci internacionalmente, a señala.

Joyerianan lo ta un di e gruponan cu lo tin hopi mas control riba nan, abogadonan, notarionan, banconan, instancianan financiero. E grupo di persona cu lo mester raporta riba transaccionnan cu individuonan riba un cierto suma lo ta hopi mas amplio y lo tin hopi mas control, e parlamentario a splica.

E ley aki ta encera un control adicional riba politiconan, instancianan financiero, no financiero, etc. Tur lo mester raporta adicionalmente ora cu ta trata cu politiconan, a reitera.

E ley aki como tal lo yuda tambe pa locual ta trata e prevencion di corupcion tanto local como internacional y sigur e lo ta un desaroyo positivo, a subraya.

- Advertisement -

DUNA COMENTARIO

Please enter your comment!
Please enter your name here