Home Deporte Alexander Robert a gana di 5 aña consecutivo

Alexander Robert a gana di 5 aña consecutivo

0
0
SHARE
- Advertisement -

deport1Competencia Nacional di Sprint Triathlon
ORANJESTAD (AAN)— Aruba Triathlon Association a organisa dia 10 di april 2011 un competencia di Triathlon na Boca Catalina. Cu hopi animo y perseverancia 66 tri-atleta a competi cu otro den landamento, ciclismo y coremento.
Sprint Distance
Den totalidad e tri-atletanan mester a landa 750 meter, core un distancia di 20 km riba bais, y sigui e careda na pia. E evento a tuma lugar na Boca Catalina. E ruta di ciclismo tabata e buelta entre Malmok y Bakval. Pa loke ta e careda na pia, esaki a tuma lugar entre Boca Catalina y Arashi. Polis motorisa a controla e ruta di ciclismo y na pia.

Ganador Overall
Den categoria Overall Sprint Masculino, Alexander Robert a gana pa di 5 aña consecutivo, den un tempo di 1:06:26. Na di dos lugar a keda Gino Hodge (1:09:09) y na di tres lugar a keda Maximillian Irving, cu 1:10:10.

Kids te cu 14 aña
Aunke e deporte ta intensivo y ta rekeri hopi perseverancia, tin un grupo di hoben cu ta participa un par di aña caba cu hopi gusto. Nan a landa 375 meter, core un distancia di 10 kilometer riba bais y despues continua cu un careda na pia di 2.5 km.
Den e categoria di kids te cu 10 aña, Malcolm Hamen a gana e competencia. Endino Giske a yega na di dos lugar, y Taino Balkestein a yega na di tres lugar.

E hobennan masculino di 11-12 aña mester a haci e mesun trayecto. E ganador, Chester Hill a termina den 33 minuut y 34 seconden. Jair de Santiago a yega na di dos lugar, y Kylian Balkestein na di tres lugar.
Den edad di 13-14 aña mucha homber Eugene Dirksz na e prome lugar y den categoria 13-14 aña mucha muher Oriana Thielman na prome lugar.

Masculino
Tabata tin hopi interes bao di hende homber, cu a varia di edad di 15 aña te cu 71 aña. Den e categoria 15-19 aña Alexander Robert (e ganador overall) a pone un tempo di 1:06:26, y Renze Postma cu ta bay cumpli 15 aña a caba tambe den tempo impresionante di: 1:13:00.

Femenino
E hende muhernan cu a participa na e sprint-triathlon a mustra nan coleganan masculino, cu nan ta hopi fuerte mes. Doreen Kralick a logra di caba e competicion den 1 ora y 19 minuut so, y cu esey e por yama su mes ganador femenino di e sprint-triathlon aki.
Chantal Ecury a mehora su tempo di aña pasa, y a yega den un bunita tempo na di dos lugar. Sheryl Rodriguez a yega na di tres lugar.

Sprint den relevo
Pa loke ta e competencia den relevo, den totalidad 8 teams a participa. E team di Shaquille Vlaun a resulta ganador, na di 2 lugar e team di Jonathan Rasmijn y e team di Johnny Cheng a logra di gana di tres lugar.

Revelo kids
Tambe un grupo di kids a dicidi di participa na e sprint-triathlon den forma di revelo, esta Jorge den Dunnen, Joshua Croes y Vic Maduro.

Den categoria 20-29 aña Ricardo Velasquez final prome, Edward-John Marchena a drenta como numero dos y Shannon Vrolijk na di tres lugar.
Den e categoria hende homber 30-39 aña di edad tabata tin bastante participante. Aunke Gino Hodge a sali (den su categoria) como numero 8 for di laman, el a logra di gana na final den su categoria. Maximillian Irving a yega na di dos lugar y Mario Nooijen na di tres lugar.
Den e categoria hende homber 40-49 aña Lucien Dirksz prome lugar, Martijn Balkestein di dos lugar, y Ossy Tromp na di tres lugar.

Tres hende homber bon conoci den e mundo di deporte di triathlon, a participa den e categoria di 50-plus. Alex Tromp a logra di pasa e finish-line prome, Salomon Buddy a pasa despues y Rubert Ammerlaan a yega como numero tres.
Aruba Triathlon Association kier gradici tur hende pa e cooperacion, principalmente e boluntarionan cu a yuda y lo informa tur tri-atleta pronto tocante e siguiente evento cual lo ta e Aquathlon Nacional dia 22 di mei.

- Advertisement -

DUNA COMENTARIO

Please enter your comment!
Please enter your name here