Pabien y danki na tur obrero riba dia di Obrero
Evelyn Wever-Croes
ORANJESTAD (AAN): Dia di obrero a cuminsa na momento cu na Melbourne, Australia hendenan a cuminsa exigi pa traha 8 ora, diverti 8 ora y descansa 8 ora. Desde e tempo ey na Aruba nos tambe ta celebra dia di obrero dia 1 di mei. Riba e dia aki, laga nos tuma tempo un rato y reflecciona riba e importancia di e obrero pa bienestar di nos pais. Nos forsa laboral ta e forsa mas importantre tras di nos desaroyo economino. Debi cu nos mes no por a suminstra suficiente obrero den ultimo decadanan, nos a habri nos fronteranan pa trece obreronan di exterior, cu awor a bira parti integral di nos comunidad.
Riba e dia aki, nos mester para keto tambe y pensa riba e condicionnan di trabao cu nos obreronan tin. Maske cu mayoria di obrero tin bon condicionnan di trabao y ta haya un trato husto di nan empleadornan, lamentablemente ainda tin un grupo di obrero cu no tin e mesun privilegio. Ainda tin demasiado obrero cu ta worde abusa, verbal o fisicamente.
Ainda tin demasiado obrero cu ta biba den inseguridad constante, cu si mayan nan tin trabao. Ainda tin dema sado mama y tata na cas, sin trabao, pero cu un gana inmenso di traha.
Esaki ta e aspectonan cu nos mester lucha pa elimina. Gobierno tin un papel importante pa hunga akinan. Abuso, verbal o fisico, no ta acceptable. Insiguridad pa cu trabao tampoco ta acceptable. Mientras cu nos mester traha duro na crea mas cupo di trabao, pa asina tur esnan cu ta a cas, pero cu kier traha, por haya un trabao mas pronto cu ta possible.
Y ohala tur esnan cu kier supera na mes, y mester sigui un curso of studio, haya e oportunidad pa haci esaki, pa asina nan por hiba nan famia y nos pais padilanti.
Mi kier primeramente gradici tur obrero cu ta traha duro dia aden dia afo, pa hiba nos pais dilanti. Mi kier felicita tambe tur obrero riba dia di obrero, y ohala cu hunto nos por traha den linea di e pensamentonan aki, pa hiba nos pais padilanti
