Archivo di May, 2011

Mas cu 60 detencion relaciona cu ladronicia

Publication: Tuesday, 31 May 2011. Categoria: General

Team di Recherche cu man yen!
Mayoria of casi 100 porciento a admiti nan culpabilidad
ORANJESTAD (AAN): Den tur silencio sin tanto fanfaria teamnan di Recherché muy en particular asina yama ‘woning inbraak’ e ultimo tempo ta pasa piki ladronnan manera ta captura pisca den reda. Masha hopi doño di entre otro apartamento, auto, empresa tambe di cas a bira victima di ladronnan y algun no tabata tin speranza cu autoridad lo bay gara esnan responsabel. E team di Recherche den e proyecto forma di Oranjestad y Santa Cruz no a perde speranza y nan a traha investiga, compila cu yudanza tambe cu departamento tecnico a logra nan meta pa gara e antisocialnan cu ta causando basta inseguridad bao di nos poblacion.

Carubbian Festival, un festival nobo di Aruba pa nos Turismo

Publication: Tuesday, 31 May 2011. Categoria: General

ORANJESTAD (AAN): Ayera oficialmente Minister Otmar Oduber, a anuncia cu Carubbian Festival ta CLA pa lanza nan promer edicion dia 9 di juni, 2011. Carubbian Foundation ya caba pa un par di luna ta trahando sin stop pa asina crea un festival unda Aruba su Cultura, Historia Artesania, Folklore y Musica lo destaca entre nos bishitantenan cu lo atende e festival aki. Incansable pero sigur un team dinamico cu no a perde speranza ningun momento y a kere den e Vision di gabinete Mike Eman pa medio di su Minister Otmar Oduber pa bin cu un festival unda NOS cultura mester destaca mas, unda nos bishitantenan no simplemente ta bay purba nos cushina y wak nos cultura pero por conoce nos hendenan.

Cumpleaños Diamars 31 Mei 2011

Publication: Tuesday, 31 May 2011. Categoria: Cumpleaños

:D :D :D :D :D :D :D :D

Hiep hiep hoeraaa!!!!awe ta di fiesta ROSIO HAYER, a.k.a diva!haha..bo ta haya pabien di parti di the best mom edith y best dad humphrey!pabien ta bin specialmente di bo sisters nadine, shajaira & rosalinda y brothers reynold & juni!un container di sunchi cu hopi brasa ta bin di parti di bo precious princess jaynah cu stima bo masha hopi mes..y un barco yen yen di sunchi y brasa di parti bo subrinanan geona y suky-ann y subrinonan justice-dominick y jayer!bo ta haya pabien di parti tur bo famia di aruba, colombia, curacao y hulanda cu ta desea abo un feliz dia y spera bo goza riba un dia tan special..y sin lubida di bo papi chulo rolyyyyy hahah cu ta manda hopiiiiiiiii kusjes pabo (te qiuero mucho mamita)lol!!!aithel a manda bisa manda bolo pe hahahaha!!love you sister!enjoy muahhh god bless you!!miss u (“v”)

:D :D :D :D :D :D :D :D

Integrantenan di MEP mester stop di gaña cu mi no tabata tey na e reunion di Parlamento di Dialuna

Publication: Tuesday, 31 May 2011. Categoria: General

Mervin Wyatt-Ras:
ORANJESTAD(AAN): Mervin Wyatt-Ras ta coregi loke a worde treci padilanti na radio door di MEP cu e no tabata presente na reunion di awa y coriente. Wyatt-Ras ta informa pueblo cu integrantenan di MEP, den e caso aki Señora Eveline Wever-Croes, mester hiba oposicion y no cada biaha purba leun na Wyatt-Ras y su colega Lopez-Tromp. Mervin kier trece padilanti cu su persona siguramente ta den reunion mas biaha cu esunnan di MEP cu ta acuse di no ta presente.
Esaki sigur pa loke ta trata reunionnan den comisionnan. No ta berdad cu mi no tabata tey den reunion cu ta trata awa y coriente paso e reunion aki no a sigui ayera y sigur den e reunion tocante e topico aki mi a haci un serie di pregunta na minister.

A sali y den apenas diez cinco minuut cuater tire a bay

Publication: Tuesday, 31 May 2011. Categoria: General

ORANJESTAD (AAN): Dialuna marduga un homber a yama su casa pa presenta na e parkinglot di Riu Hotel. E tabata cu su auto y despues di trabao a constata cu nan a destrui esaki na e parti dilanti den e grill.
Ora cu e señora a sali for di cas algun desconoci a drenta su cura. Den apenas 15 minuut di tempo a bin haya nan otro auto den garage riba cuater bloki.
Aki e ladronnan a horta cuater tire completo for di Nissan Sentra.

Ladron a purba na pisca un tas y asina el a keda pega den porta

Publication: Tuesday, 31 May 2011. Categoria: General

ORANJESTAD (AAN): Un situacion nobo ta presentando su mes e dianan aki den area di Caya Grandi na Playa. Comerciantenan ta notando un aumento notable di caso di kiebro. Un di e comerciantenan a splica DIARIO, cu den 19 aña cu nan ta operando den Caya Principal, nunca antes nan a bin confronta asina hopi vandalismo y robo, compara cu loke nan ta mirando ultimo 5 lunanan aki.

Un Chucho a hinca homber na su pia den laman na zeewijk

Publication: Tuesday, 31 May 2011. Categoria: General

ORANJESTAD (AAN): Cu urgencia mester a dirigi unidad di Polis y Ambulance na altura di e pier di Zeewijk unda cu un persona a bira victima di un hinca di un Chucho. Mirando cu Ambulance di Gobierno tabata un tiki leu, a ricibi ayudo di Ambulance di Valero cu a asisti e homber cu pisca a hinca na su pia.
A transporta e victima cu urgencia pa Hospital pa ricibi tratamento medico mas avansa.

Dobbel seis a para campeonato di Domino

Publication: Tuesday, 31 May 2011. Categoria: General

ORANJESTAD (AAN):– Diadomingo marduga a surgi problema durante campeonato di domino. A drenta informe na central di polis cu na Centro di bario Noord lo tin pelea y supuestamente cu arma. Patruya di Noord den un fraccion a acudi na e lugar pa restablece orden. Na yegada polis a topa un grupo di persona y nan tur ta indica e agentenan den direccion di un homber. Esnan presente a notifica e polisnan cu supuestamente e homber en cuestion lo ta den poder di un arma blanco.

Dutch Antilles express a worde bendi

Publication: Tuesday, 31 May 2011. Categoria: General

Ayeranochi a firma acuerdo cu tres accionista
ORANJESTAD (AAN): Ayeranochi nos a haya informacion relaciona cu e aerolinea Dutch Antilles Express (DAE) ya cu den algun medio local a ser menciona cu e compania a bay bancarota.
Te asina leu, DIARIO a haya confirmacion cu gerencia di DAE a firma ayeranochi un acuerdo cu tres accionista cu a cumpra e compania. Dutch Antilles Express tin su base na Corsow. Ta opera vuelonan entre Caribe, Colombia y Venezuela.

Hungando Bowling pa recauda fondo pa Koningin Wilhelmina Kankerfonds

Publication: Tuesday, 31 May 2011. Categoria: Deporte

Un total di 41 miembro di clubnan di servicio a participa
Aruba Lions Club a logra uni e clubnan di servicio pa un bon causa
ORANJESTAD(AAN)— Aruba Lions Club por mira atras na un evento hopi exitoso. Ta trata aki di e “The 1st Fellowship Fundraising Tournament” di cual tur fondo recauda a bay pa Koningin Wilhelmina Kankerfonds. Ta pa prome bes den historia di clubnan di servicio cu ta organisa un evento asina pa recauda fondo, den cual a uni e clubnan di servicio, manera ta Rotary Club of Aruba, Quota Club, Women’s Club y Aruba Lions Club mes.

Obituario Dialuna 30 Mei 2011

Publication: Monday, 30 May 2011. Categoria: Obituario

Banconan tambe tabata presente den presentacion di Aruba na Hulanda

Publication: Monday, 30 May 2011. Categoria: General

Aruba a establece contacto atrobe cu ABN AMRO
ORANJESTAD(AAN):– Durante e presentacion di Aruba na inversionistanan den
Malietoren cerca Vereniging Nederlandse Ondernemers por a mira tambe
presencia di Alex Driesen cu
ta Executive Director Export Finance di ABN AMRO.
Despues di haya un bista completo riba e posibilidadnan cu Aruba tin, a entrevista e ehecutivo aki tambe.  Pa casualidad prome minister Mike Eman a establece contacto atrobe cu ABN AMRO y a tene te hasta un reunion cu e top ehecutivonan di ABN.

Nel y futuro lider Evelyn cu reunion lagando Booshi afor atrobe

Publication: Monday, 30 May 2011. Categoria: General

MEP ta warda Booshi biaha pa organiza nan manifestacion
ORANJESTAD(AAN):– MEP ta preparando su mes pa e congreso aki dos luna. Ya caba a cuminsa pasa den diferente distrito pa asina papia cu e lidernan di bario y e habitantenan den e area.
MEP ta sacando diferente invitacion pa purba haya forza bek den comunidad. Un MEP hopi zwak pa motibo di mal gobernacion cu nan tabata tin. Un gobernacion di puro mentira y corupcion. Den nan reunionnan di contacto kier tende e dolor di e pueblo riba prijs di awa y coriente. Mal cos of topico pasobra na 2001 den plan di gobernacion a priminti cu lo baha prijs di energia. Desde 2001 bin ariba ta subi so e prijs a subi. MEP a djis gaña pueblo pasobra vision sigur nan no tabata tin mirando cu nunca e prijs a baha.

A mustra e importancia economico di relacion entre Aruba y companianan Hulandes

Publication: Monday, 30 May 2011. Categoria: General

Premier Eman na Hulanda
ORANJESTAD(AAN): Un agenda basta pisa Prome Minister mr. Mike Eman y su delegacion di Gobierno tabata tin durante nan biahe di trabou pa Europa, especialmente Hulanda. Tur cu e meta pa presenta tur e plannan y vision cu Gobierno tin pa Aruba. Inclusive tabata tin un bishita na sede di Union Europeo na Bruselas. Na Hulanda a topa cu Eerste y Tweede Kamer, y diferente Minister di e Gobierno Hulandes. Un di e ultimo reunionnan tabata cu Minister di Asuntonan Economico Maxime Verhage y Minister di Defensa Hans Hillen. Minister Hillen tabata esun cu a conseha pa mantene e base militar na Aruba habri cual a trece un satisfaccion grandi pa Gobierno.

Bishitanan di Minpres na Hulanda ta inversionnan cu ta dunando nan resultado cu respet cu ta hayando

Publication: Monday, 30 May 2011. Categoria: General

Minister Plenipotenciario Edwin Abath
ORANJESTAD(AAN):– Awor cu gobierno ta drechando e relacion den Reino bek, naturalmente Aruba Huis tambe tin un rol masha importante. Ora cu presentacionnan importante tuma lugar di mes hopi cos ta sigui via Aruba Huis. Den entrevista cu Edwin Abath, minister plenipotenciario, el a splica cu e posicion di Aruba actualmente ta danki tambe na e trabao di diplomacia na Den Haag. Desde cu e desmantelacion a tuma lugar den Antiyas algun cos mester a sosode tambe pa Aruba duna un dimension mucho grandi cu interesnan estrategico. Sr. Abath a splica cu for di momento cu a yega na 2009 a cuminsa pa drecha e relacion cu Hulanda y posicion di Aruba di Reino.