Home Policial Chito sospecha di ta meti den ladronicia

Chito sospecha di ta meti den ladronicia

0
0
SHARE
- Advertisement -

ORANJESTAD.(AAN):– Awe ta lansa e pregunta si tin choller via di ministerio publico ta goza di privilegio. Na varios ocasion e mesun pregunta a wordo lanza den direccion di polis, di parti esnan sera den KIA. Ta lo siguiente: poco dia pasa polis a detene e choller “Chito” como sospechoso cu tabata trata di saca un tas pega den portanan di un establecimento den Caya Betico Croes. Patruya cu a bay atende e caso a tuma nota cu na skina tabata para un homber color scur cu lo ta “Para Wak” si tur cos lo ta o.k. pa e para wordo tira pa su brother cu tabata trata di saca e tas.
Ora cu polis a gara “Chito” a bay check pa e homber color scur cu lo tin como tarea pa “Para Wak”. Dialuna ultimo pa 5’or y 53 minuut di marduga central di polis a dirigi patruya di Oranjestad na un tienda den Caya Betico Croes cu ta bende paña pa baby. Segun informe supuestamente dos choller tabata pisca paña di baby.

Na momento cu polis a blo na e sitio nan a topa un homber color scur bisti cu t-shirt blanco cu a cuminsa move for di e lugar na careda ora cu e lo a nota presencia di patruya. Polis a core tras di e homber pero sin por a gare ya cu nan a perde tras di e deposito di la Linda.

Pero den vecindario, polis a topa e conocido di husticia cu mas di 30 aña ta e choller “Chito”.
Polis a puntra “Chito” si acaso e por sa of wak algo y su contesta tabata cu e tabata hasi limpi y el a wak e gai pero e no sa kende e ta.

Tanto paña di baby cu e gai laga atras tambe e bicicleta cu aparentemente ta pertenece na e homber color scur a keda confisca pa lo mas investigacion. Tin fuerte sospechoso, e biaha aki e situacion ta otro, cu“Chito” ta esun cu a “Para Wak” pa su brother trata di tira para.

- Advertisement -

DUNA COMENTARIO

Please enter your comment!
Please enter your name here