Home Deporte Publico a keda asombra cu acrobacianan di brommer y quadracer

Publico a keda asombra cu acrobacianan di brommer y quadracer

0
0
SHARE
- Advertisement -

ORANJESTAD (AAN)— Diario Deportivo tabata presente durante e show di brommer y quadracernan cu a tuma lugar durante e weekend tras di lomba na Joe Laveist Sportpark. E show aki a trece un cantidad grandi di espectadornan cu practicamente a mantene yur e tribunenan yen durante e tres dianan di e presentacion ariba nos isla. Publico a keda impresiona cu e acrobacianan cu e team di coredornan mericano a realisa. Saltonan impresionante cu back flipnan un tras di otro na un altura considerabel di mas of menos 20 meter halto of mas. Tambe publico a disfruta di e competencianan di Quadracers realisa pa coredornan local, mustrando cu tin posibilidadnan grandi pa e deporte di Quadracers y Scramblenan por desaroya na Aruba mirando e talento cu a wordo demostra durante e show aki y ademas no por a falta e atraccion di e presentacion di e beyesanan di Monster chicks kendenan a parti algun articulo na e publico presente.

E show aki tambe tabata tin como proposito pa promove e interes ariba nos isla pa e deporte di Motocross, cual sigur lo amplia e panorama di deporte nan cu un y tur por practica ariba nos isla. E deporte di Motocross ta wordo practica na diferente parti mundo y no solamente pa adultonan pero tambe pa muchanan cuminsando for di 6 aña di edad den e categorianan Pee Wee, aki e chikitinnan ta competi cu brommernan real traha especialmente pa nan edad y aparentemente segun informacionnan cu Diario Deportivo por a haya, e interes ta pa e desaroyo aki tambe por tuma lugar aki na Aruba, por lo pronto tur interesa den e deporte aki por pasa diadomingo atardi despues di 3’or na Grapefield, patras di KIA, caminda tin un pista adapta unda cu ya caba tin varios coredor di Aruba ta practicando esaki. Ariba e combinacion di potret por aprecia algun imagen di e show aki.

- Advertisement -

DUNA COMENTARIO

Please enter your comment!
Please enter your name here