Brishna Cathalina ta un mucha muher den un million. Cu su cara di angel, dushi sonrisa. Wowonan di alegria y su cabey yen di crul. E ta sabi y gusta combersa. Na cas pabou/pariba, na school, na Tante Lus y hulanda. Ta stima pa tur cu conoce. Y awe ariba dia di su cumpleanos. Nos tur tur kier felicite y dune hopi sunchi brasa. Y pidi Papa Dios pa sigui cuida Brish pa nos.
No tin ningun hende mas na Aruba cu ta inconsciente di loke ta pasando, especialmente den e ramo di criminalidad. Corantnan, Radio emisoranan y canalnan di television ta yen di e tipo di noticia aki cu ta cay tur hende pisa, o sea un atraco, un asalto na cas, un bandidahe riba caya, enfin, di un of otro forma cu ta kibra e paz tradicional cu nos a disfruta mayor parti di nos bidanan.
Ya no ta hende bruin, o blanco, o scur cu ta papia spaño o Hulandes o cualke otro idioma so, awor nan ta parce di tin nan propio Nacionnan Uni pasobra nan ta papia cu otro den tur idioma, incluyendo Papiamento. No ta pasa un dia cu no tin algo cu ta altera e nervionan di hendenan custumbra di biba cu trankilidad y ta desea di conserva e tiki paz cu ainda a keda.
Premier Eman riba anuncio inkietante di WEB Aruba NV
Den Dialogo Social diabierna awor lo discuti esaki
ORANJESTAD (AAN): “Sinceramente nos ta lamenta cu for di WEB ta sali un declaracion cu nan ta evalua aumento di prijs di awa y coriente pa luna di juli. Esaki pa nos ta inaceptabel”, palabranan di Prome Minister Mike Eman durante un conferencia di prensa cu a worde yama den forma urgente. Prome Minister Eman a splica cu siman pasa caba WEB a informa gobierno cu a base di e desaroyonan di prijs di fuel oil riba mercado mundial nan ta premira cu si no haci ahustacionnan atrobe na e prijsnan di awa y coriente, WEB lo core cu perdidanan cu nan a bin ta registrando algun luna caba ya cu nan no ta haciendo e ahustenan di prijs na e mesun nivel di prijs di fuel oil cu a aumenta.
Na Renaissance Hotel, local 3
ORANJESTAD (AAN): Ayeranochi tabata tin e apertura oficial di e oficina di “Aruba In Style” den e prestigioso Renaissance Hotel. Despues di hopi preparativo y hopi emocion por fin e fundadornan di “Aruba in Style” a keda cla cu e setup di nan oficina, ubica den e local 3 di Renaissance Hotel. Pa e tremendo ocasion aki a conta cu presencia di Minister di Turismo, Sr. Otmar Oduber y su esposa, kendenan a acompaña Damilice Mansur, Eva Wever y Ronchi de Cuba den nan proyecto.
ORANJESTAD (AAN): Riba e tercer dia di competencia durante e campeonato CCCAN a toca turno na e categoria di edad di esnan mas hoben, esta e categoria di 12 aña y menos.
Akinan e equipo di ocho landadornan a enfrenta nan contrincantenan di e region. Aunque cu e resultadonan completo ainda no ta conoci, ya caba ta conoci cu Aruba a logra gana dos medaya mas! Giulia Brezovar a logra gana dos medaya di plata, uno den e prueba di solo y e segundo medaya den e prueba di figuranan tecnico.
Awe mainta e tin conferencia di prensa pa duna e motibonan
Evelyn Wever a postula su mes na ultimo momento
ORANJESTAD (AAN): Te cu diaranzon merdia tur cos tabata mustra cu ta tres candidato so tabata tin den e bataya pa conkista e puesto di lider di partido MEP. Den e bataya aki tabatin Ady Thijsen, Carl Giel y Booshi Wever. Sinembargo pa exactamente 3or di atardi, net ora di e deadline, a bin un candidato mas den persona di Evelyn Wever Croes. Den un comunicado di prensa emiti ayeranochi despues di Conseho di Partido, a anuncia cu nan a haya 4 candidato cu e postula su mes pero cu durante pleno reunion di Conseho di Partido un miembro, Drs. Booshi Wever, a hala su postulacion aden. Cu esaki e candidato mas fuerte y cu mas aña di experiencia den e lista di candidatonan pa liderazgo di MEP a dicidi di hala atras.
ORANJESTAD (AAN): Diamars marduga 12or y 40 a drenta informacion di un accidente serio. Un auto A-37874 biniendo for di Sta Cruz poco pariba di Pacifico Paradera a dal den un palo di luz.
El a baha caminda na man drechi pa bay den scual y bin plama den un palo di luz. Ora polis y ambulance a yega e auto tabata sin hende aden. E chofer a somenta. E mester por tabata herida pasobra e impacto den e palo di luz dificilmente e chofer por a sali ileso di e desgracia aki.
Elmar a worde yama pa bin atende cu e situacion di e palo di luz.
Hiep hiep hoeraaaaa awe 29 juni nos amor chikito Dinand Martijn ta cumpli su 5 aña. Eta haja hopi sunchi y braza di su mami y papi cu ta stime un mundo. Di su omanan y opanan cu ta verwend e. Di su tanchinan y omonan, Primanan y primonan.Di su madrinan y padrinonan. Y di su amigitanan y amigitonan di Trupial Kleuter school I di su juffrouw Sharissa.Y demas famia Geerman, Martijn, Boekhoudt. Cu papa Dios duna mi yiu stima hopi aña mas di bida y salud y bendishon y hopi sabiduria.
Aunke WEB ta purba na spanta pueblo…
ORANJESTAD (AAN): Varios hende a keda sorprendi cu e ‘revelacion’ di WEB Aruba NV riba Diamars atardi! Nan ta spanta pueblo, bisando cu e chens ta grandi cu Tarifa di Awa y Coriente lo “por” aumenta atrobe na Juli. Tur esey a worde haci, mientras cu ningun OK a worde duna door di Gobierno ainda entorno e aumento ey! WEB ta bisa, cu esaki tin di haber cu e aumento di prijs di fuel oil riba mercado internacional desde e ultimo calculacion di tarifa.
ORANJESTAD.(AAN); Na warda di polis San Nicolas pa mas o menos 7’or di anochi a presenta e mucha homber di inicialnan C.R. di 18 aña di edad y el a pidi polis yudanza. E motibo cu e mucha homber a pidi yudanza ta debi cu e mucha homber di inicialnan E.R. cu ta naci na Sint Maarten kier bati’e. Polis a puntra C.R. ta kende ta e mucha homber E.R., pa identifica y ilustra polis den C.R ta, denunciante a bay pafor hunto cu e polis y a mustra un poster cologa riba cual E.R. ta aparece. Ta trata di un poster di actividad di “Muay Thai” cual E.R. ta un di e participante di Kick Boxing. Aparentemente E.R. lo ta biba den vecindario na unda C.R. ta biba.
ORANJESTAD (AAN): Bon noticia a drenta for di Grecia! Varios medaya di oro a bay pa team di Aruba. Pues, medayanan di oro awor ta den man di Aruba na Special Olympics World Games, na Atenas, Grecia.
ORANJESTAD.(AAN):E ultimo dianan ta den publicidad comedia di Gai fini. Dialuna den oranan di atardi pa alrededor di 4’or, e patruya di polis encarga cu distrito Santa Cruz a wordo dirigi pa asisti un habitante di Paradera. Na e direccion indica polis a topa y atende e homber di inicialnan M.B.C. y a nace na Colombia di 79 aña. E homber Colombiano a declara na e agentenan cu Pitbull di su bisiña a mata un total di 9 Gai fini. Tambe den mesun rosea M.B.C. a sigui declara na polis cu cada uno di e gai fini nan ta costa tres cien (300) florin.
Entre otro, riba su funcion y salario:
Fraccion PDR ta cuestiona gobierno riba consehero nobo ex-Minister di Bonaire
ORANJESTAD (AAN) – Den conferencia di prensa semanal, di fraccion di Partido Democracia Real, diamars mainta, Parlamentario mr. Andin Bikker a splica cu den Parlamento tin un planificacion pa cada cupo di trabao, dentro di e marco di un Structura Organizativo, cu a wordo formula pa Staten pa Deloitte & Touch. Incluso durante tratamento di presupuesto di Parlamento, tabata tin discusionnan fuerte si mester bin cu por ehemplo, un persona cu ta bay guia Parlamento, pa alivia cierto trabaonan di Griffier, pues, en todo caso por mira cu tin planificacion.
ORANJESTAD.(AAN); Despues di merdia riba dialuna, central di polis a dirigi patruya di Oranjestad na un cas situa den Madiki relaciona cu problema familiar. E patruya di polis cu a yega na e cas a topa na vloer un señora cu tabata grita. Mientras polis a nota presencia di un mucha homber di inicialnan O.E. naci na Hulanda di 20 aña di edad y el a declara, cu e señora drumi na suela ta su mama di inicialnan J.C. de A. di 41 aña di edad. E mucha homber a sigui declara di a haya problema cu su mama y nan a bringa cu otro.
