Aruba ta destaca na CCCAN
ORANJESTAD (AAN): Riba e tercer dia di competencia durante e campeonato CCCAN a toca turno na e categoria di edad di esnan mas hoben, esta e categoria di 12 aña y menos.
Akinan e equipo di ocho landadornan a enfrenta nan contrincantenan di e region. Aunque cu e resultadonan completo ainda no ta conoci, ya caba ta conoci cu Aruba a logra gana dos medaya mas! Giulia Brezovar a logra gana dos medaya di plata, uno den e prueba di solo y e segundo medaya den e prueba di figuranan tecnico.
Aruba asina ta riba e bon caminda den e deporte di landamento sincroniza durante CCCAN. Falta ainda e eventonan di dueto y equipo, caminda cu ta spera mas bon actuacion di nos hoben atletanan den synchro.
