Deportista di arte martial ta dal hende
ORANJESTAD.(AAN); Na warda di polis San Nicolas pa mas o menos 7’or di anochi a presenta e mucha homber di inicialnan C.R. di 18 aña di edad y el a pidi polis yudanza. E motibo cu e mucha homber a pidi yudanza ta debi cu e mucha homber di inicialnan E.R. cu ta naci na Sint Maarten kier bati’e. Polis a puntra C.R. ta kende ta e mucha homber E.R., pa identifica y ilustra polis den C.R ta, denunciante a bay pafor hunto cu e polis y a mustra un poster cologa riba cual E.R. ta aparece. Ta trata di un poster di actividad di “Muay Thai” cual E.R. ta un di e participante di Kick Boxing. Aparentemente E.R. lo ta biba den vecindario na unda C.R. ta biba.
Patruya a bay na e direccion y na caminda polis a topa cu e mucha homber E.R. y el a wordo puntra si e lo a dal C.R. y el a confirma cu si.
E.R. a duna polis su version y a splica e pakico, pasobra dos dia anterior, C.R. a wordo bati pa dos mucha homber cu ta usa droga. Awor C.R. ta acuse ora el a tope y bise di a dale. Debi na e acusacion E.R. a rabia y a dal C.R.
Polis despues di a caba scucha E.R. su version, agentenan a hala su atencion debidamente y a mustre tambe e consecuencia di ta maltrata hende den e caso ta referi na C.R.
Mas ainda un deportista mester por domina su mes muy en particular ora e ta practica arte martial.
