Na Renaissance Hotel, local 3
ORANJESTAD (AAN): Ayeranochi tabata tin e apertura oficial di e oficina di “Aruba In Style” den e prestigioso Renaissance Hotel. Despues di hopi preparativo y hopi emocion por fin e fundadornan di “Aruba in Style” a keda cla cu e setup di nan oficina, ubica den e local 3 di Renaissance Hotel. Pa e tremendo ocasion aki a conta cu presencia di Minister di Turismo, Sr. Otmar Oduber y su esposa, kendenan a acompaña Damilice Mansur, Eva Wever y Ronchi de Cuba den nan proyecto.
DIARIO tin entendi cu ta trahando masha duro mes pa asina trece un evento di moda di e magnitud di “Aruba In Style” cu lo tuma lugar na November proximo y cu lo ta e prome den su estilo na Latinoamerica y Caribe.
Durante un fashion-cocktail, entre invitadonan special, famia, amigonan y rondona di modelonan hermoso, ayeranochi a duna inicio na un etapa nobo den e mundo di moda di nos isla. Pabien Aruba in Style!
