Home General Hulanda mester busca manera pa ehecuta mocion di fraccion di AVP, manera...

Hulanda mester busca manera pa ehecuta mocion di fraccion di AVP, manera cu el a wordo poni riba papel

0
0
SHARE
- Advertisement -

Segun Juan David Yrausquin,

ORANJESTAD(AAN): Diamars durante conferencia di prensa di fraccion di AVP, parlamentario Juan David Yrausquin a papia tocante e reunionnan di Parlamento di Aruba na Hulanda.

El a splica cu e reunionnan tabata entre e parlamentonan di Reino y Eerste y Tweede Kamer.

“E reunionnan tabata hopi productivo, nan a bay den bon ambiente y nos a logra palabra algun punto cu ta bon pa nos ciudadanonan”.

Esaki segun Yrausquin, kende a sigui bisa si cu no ta accionnan cu di awe pa mayan lo tin resultado, pero dentro di algun tempo nan lo tin resultado positivo pa e paisnan den Reino.

El a splica cu un di e palabracionnan cu a wordo hasi ta cu e proximo reunion lo tuma lugar na Januari 2012 na St. Maarten.

Den cuadro di e cambionan pa loke ta Corsow, St. Maarten, Bonaire, Saba y St. Eustatius despues di 10-10-10, diferente topico a wordo discuti.

“Un di e puntonan cu ta hopi importante pa nos pais ta e forma con nos ta bay atende cu diferencianan di opinion, specialmente riba interpretacion di e statute”.

“Pues nos tin un documento cu ta regla con nos ta bay om cu otro den Reino, pero na e momentonan aki esun cu ta dicidi con e documento (statute) aki ta wordo interpreta, ta Hulanda”.

“No tin ningun posibilidad pa e otro paisnan manera Aruba of Corsow pa bay bisa cu nos no ta di acuerdo cu esaki y cu nos kier bay por ehempel corte, pa laga corte of un otro instancia independiente dicidi ken tin razon den e diferencia di opinion aki”.

Esaki segun Yrausquin, kende a sigui bisa cu e ta un mocion cu fraccion di AVP a entrega durante tratamento di cambionan di e statute aña pasa den Tweede Kamer.

El a splica cu e mocion aki no a wordo ehecuta ainda y toch tin señalnan tambe cu e forma cu e Gobierno di Reino kier ehecute, no ta manera fraccion di AVP a pone den e mocion.

“Pa nos hasi ‘follow up’, nos mester hasie via Eerste y Tweede Kamer di Hulanda y pesey tambe nos tabata tin toch un debate cortico cu e miembronan di Tweede Kamer, specialmente cu van Bokhove di CDA”.

“Nos a pidie toch pa e pone atencion pa e mocion wordo ehecuta manera el a wordo poni roba papel”.

Esaki segun e parlamentario, kende a bisa cu esaki ta encera cu e forma cu e corte aki lo wordo instala y e ley aki lo wordo hinca den otro, con pa resolve diferencianan di opinion, mester ta den forma di consenso.

Yrausquin a sigui bisa cu el a sinti for di e miembronan di Eerste y Tweede Kamer cu nan a compronde e mensahe y cu nan lo hasi e follow up necesario, na momento cu e Minister di relacionnan di Reino Donner, entrega un nota di con ta bay ehecuta e mocion cu fraccion di AVP a entrega den Tweede Kamer aña pasa.

- Advertisement -

DUNA COMENTARIO

Please enter your comment!
Please enter your name here