Home General Mama ta adverti pa mucha muhernan no cay den trampa

Mama ta adverti pa mucha muhernan no cay den trampa

0
0
SHARE
- Advertisement -

ORANJESTAD.(AAN); E siguiente caso cu a wordo reporta na warda di polis San Nicolas no ta e prome. Den pasado Diario a relata cu tin algun persona cu lo ta malusa nomber di un radio emisora pa logra atrae mucha muher hoben y contra pago y regalo, cu intencionnan menos bon.
Recientemente atrobe e supuesto persona a bolbe trata pa yama y convence mucha muhernan menor di edad pa cay den su trampa. E momento a yega pa autoridad tuma e casonan aki na serio y no spera te ora e baca hoga. Riba corto plazo mester actua pa logra pone man riba e tipo cu mente maligno.
Tabata diamars den transcurso di mainta cu a acudi na warda di polis di San Nicolas un señora cu a reporta di tin un yiu muher di 15 aña di edad. Diasabra dia 18 di juni 2011, un homber desconoci a yama su yiu muher varios biaha na telefoon.

E señora ta sigui declara, cu e homber a bisa su yiu muher di ta traha cu Magic F.M. y e lugar ta situa dilanti di Renaissance hotel y e tipo a sigui bise pa e bin ey nan y lo page 1000 florin ademas e lo ricibi un Blackberry.

Ora cu denunciante a bay averigua e number pa asina saca afor ta kende lo ta yama su yiu muher debi cu su yiu a conte kico ta pasando, a resulta cu e persona ta blokia pa e number no aparece riba telefoon y pa evita di haya sa kende lo ta yamado.

Mas ainda e mama debi cu el a lesa de medio di comunicacion con e tiponan aki ta opera el a dicidi di bati alarma. E version di e mama preocupa mesa di redaccion ta spera cu e caso lo haya atencion y e companianan di telefoon tambe tin nan obligacion pa coopera y evita mas victima di cay door di blokia e yamada.

Den e caso aki recherche tin e tarea di busca pa sa via SETAR of Digicel, kende a haci yamada tal dia, tal ora y na tal number, pa por saca afo for di unda e yamada a sali y kende tin e telefon cu number blokea aki.

- Advertisement -

DUNA COMENTARIO

Please enter your comment!
Please enter your name here