Home General Un humedad den sub-station a causa di e blackout den cierto area...

Un humedad den sub-station a causa di e blackout den cierto area di Oranjestad.

0
0
SHARE
- Advertisement -

ORANJESTAD(AAN): Net ora cu e reunion publico tabata andando den parlamento coriente a bay. Personal di NV Elmar cu a haya melding di e storing a mobiliza mesora.
Prome cos cu a haci tabata pa busca precisamente unda tin problema. Pa esey Elmar tabata tin hende paden den nan oficina principal analizando via computer e red di coriente. Tambe riba caya e otro dos hefenan tabata pasa di transformator huis pa transformator huis den cierto area di Oranjestad pa schakel e sistema cu a bula.


Despues di preparacion a switch cierto via e transformator huis principal den Paardenbaaistraat. Urvin Goeloe cu ta Opzichter Kabel Afdeling di Elmar den un entrevista a conta cu na diferente parti den Playa coriente no a bay pero nan a sinta un dip si. Esaki ta ora coriente ta baha.

Ora algo asina sosode a base di experiencia ta conclui mesora cu tin un storing den un kabel di alto voltage. Urvin Goeloe di Elmar a sigui splica cu e yamada di Renaissance a confirma cu berdad tin un storing. Tras di bestuurskantoor den e station cu tin eynan e problema a presenta. Den nan station segun e hefe di Elmar tin humedad cu probablemente a conduci na un overslag den hoogspanning.

Despues di analiza e problema den un lapso di 45 minuut tur hende tabata tin back nan coriente.
E dos switchnan cu por a haya problema lo worde cambia segun Urvin Goeloe di Elmar. E tipo di problemanan asina pa motibo di humedad no ta sosode frecuentemente.

Door di calor e dianan aki naturalmente nan ta topa cu tipo di problemanan asina paralizando basta cas y negoshi cu ta keda sin coriente.

- Advertisement -

DUNA COMENTARIO

Please enter your comment!
Please enter your name here