Yiu a choca y bati mama mand’e suela
ORANJESTAD.(AAN); Despues di merdia riba dialuna, central di polis a dirigi patruya di Oranjestad na un cas situa den Madiki relaciona cu problema familiar. E patruya di polis cu a yega na e cas a topa na vloer un señora cu tabata grita. Mientras polis a nota presencia di un mucha homber di inicialnan O.E. naci na Hulanda di 20 aña di edad y el a declara, cu e señora drumi na suela ta su mama di inicialnan J.C. de A. di 41 aña di edad. E mucha homber a sigui declara di a haya problema cu su mama y nan a bringa cu otro.
Polis a papia cu e señora porcierto tabata hopi altera y a bisa di a confronta problema cu su yiu y e ultimo a choke.
E mama a reaccion segun su version y a pasa man pa un panchi y a dal su yiu cu e obheto.
E yiu na su turno a bati su mama cu mokete te e mama a bay tera.
Polis a observa cu cara di e señora tabata completamente hincha, e tabata keha dolor na orea y tambe cabez. Mesora sin vacila polisnan a detene e hoben pa maltrato.
Locual ta e señora mama, polis a bisa e señora pa bay poli, despues e recorte medico e por pasa na despacho di recherche entrega keho oficial di maltrata contra di su yiu homber. E señora afirma na polis cu e lo entrega denuncia oficial na recherche.
