ORANJESTAD(AAN): Awe na corte manera tur siman ta bay tuma lugar diferente caso penal.
E prome caso ta un caso Pro forma. a trata di e caso den cual J.J.Q. ta wordo acusa di, cu e intencion di tuma bida di un persona riba 26 di Maart 2011, a trankilamente tira un of mas biaha cu un revolver den su direccion, dor di cual e persona a wordo alcanza den su cara y/of garganta y/of pecho, y djey a mara un saco di plastic riba cabez di e persona. E ta wordo acusa di, cu e intencion di tuma bida di un persona, a intencionalmente punta un revolver carga den su direccion riba 26 di Maart 2011, y a hala e trekker di e revolver un of mas biaha.
Ademas Q. ta wordo acusa di posesion di un arma di candela cu bala riba 26 di Maart 2011.
Despues ta bay tuma lugar un caso den cual E.A.A.M.,L.D.A. y M.R.L. ta wordo acusa di, conhuntamente cu un otro of otronan y diferente biaha y den e periodo di prome di Maart 2009 te 5 di Augustus 2010 na Aruba y/of Merca y/of Europa y dor di violencia y/of otro medionan y/of menaza cu violencia y/of engaño y/of maluso di condicionnan relaciona cu un posicion di ventaha y/of maluso di un posicion vulnerable, a tuma un y/of diesocho persona den (a) servicio y/of transporta nan y/of hiba nan y/of duna nan lugar di bida cu fin di explotacion, a (b) forza nan pa pone nan mes disponible pa traha of duna servicio of a haci cosnan bao di e circumstancianan menciona, sabiendo cu nan lo pone nan mes disponible, a (c) intencionalmente saca ventaha di explotacion di e personanan en cuestion dor di diferente biaha (entre otro) pone e victimanan bao presion pa traha, a tene e documentonan di identificacion di e victimanan, a menaza e victimanan, a zundra y rebaha nan, a tene relacion sexual y a haci otro actonan sexual cu nan na un manera bruto y contra nan boluntad, a haci
grabacionnan sexual di nan, a maltrata nan, a stroba nan pa mantene contacto cu nan famia y amistadnan, a laga nan pone un tattoo cu ta mustra cu nan ta depende di dje, no a paga nan manera palabra, a determina nan oranan di trabao y sosiego, a prohibi nan pa sali no-acompaña, a tene nan vigila estrictamente (tambe haciendo uso di aparatura), a laga nan traha largo bao reglanan stricto, a uza bodyguards, a duna nan castigonan disciplinario y a mantene un sistema di boet.
M. y L. ta wordo acusa di, conhuntamente cu un otro of otronan, a menaza un persona cu un crimen contra su bida y/of maltrato severo y/of maltrato cu arma na April 2010, dor di intencionalmente tene un grinder cendi na su braza.
M. y L. ta wordo acusa alavez di, conhuntamente cu un otro of otronan y cu e intencion di causa un persona daño fisico severo a dal e cu mokete na su cara y/of cabez y/of pecho y/of a scop e riba 24 di Juni 2010.
M., D.A. y L. ta wordo acusa di, conhuntamente cu un otro of otronan, tabatin sumanan di placa di cual nan tabata sa cu e ta procedente di crimen den e periodo di prome di maart 2009 pa 5 di Augustus 2010.
Nan ta wordo acusa ademas di, conhuntamente cu un otro of otronan, a participa y/of a lidera un organizacion cu tabatin comete crimennan como meta den e periodo aki riba menciona.
Despues ta bay tuma lugar un caso den cual R.M.P. ta wordo acusa di ladronicia riba 9 di Mei 2011
Penultimo caso awe ta un caso den cual F.A.M. ta wordo acusa di destruccion intencional, di a actua contra ley di droga, di posesion di arma di candela y di kiebro riba 7 di Mei 2011
Ultimo caso awe ta un caso den cual S.J.M.V. ta wordo acusa di intento di ladronicia na April 2011.
