Crisis di cash flow na WEB
ORANJESTAD (AAN)* E fin di luna aki, WEB a enfrenta un crisis serio di cashflow cu a haci cu a notifica e contratistanan cu no tin suficiente placa pa paga nan. A duna 1 dia liber mientras tabata spera riba banco pa duna un fianza rápidamente. Den e crisis aki e director di WEB a baha bay cu vacacion y a dicidi di laga e director suplente kima su dedenan cu e situación cu a presenta.
Ta inminente cu lo aumenta e prijs di awa y coriente atrobe mientras cu e proyecto pa cu gas natural LNG ta riba un horizonte hopi leu ainda. E crisis di cashflow a pone cu gobierno a core y trata di intermedia cu banconan pa asina pone likidez inmediatamente na disposición di WEB.
E pregunta cu hopi tabata haci ta unda tur e ganashi di miyones a keda y otro pregunta di un observador ta bisa cu mester baha e gasto operacional den salarionan sumamente halto y irealistico.
E hecho cu e presidente di e sindicato SIWA a move for di su puesto pa motibonan desconoci.
Aruba por poco a haya mal score di crédito pa e clataclismo dilanti porta di WEB pa falta di cashflow.
