Home General Formacion Social introduci door di Gobierno no ta obligatorio

Formacion Social introduci door di Gobierno no ta obligatorio

1
0
SHARE
- Advertisement -

ORANJESTAD (AAN): E proyecto di ley entrega na Parlamento e siman aki cu ta brinda un formacion social pa hobennan cu por a desvia un tiki di e caminda corecto, no ta obligatorio manera e deseo tabata pa hacie inicialmente. Durante presentacion di e ley aki na Presidente di Parlamento drs. Paul Croes, Minister Presidente mr. Mike Eman a splica cu inicialmente kier a haci’e obligatorio, pero nan a topa cu varios obstaculo huridico cu ta complica e trayecto obligatorio y riba conseho di Raad van Advies a laga esaki cay. Toch lo bay tin aspecto obligatorio cu e hoben mes ta bay firma p’e unabes cu e ta den e programa. E mes ta compromete su mes pa percura pa sigui e diferente trayectonan den e proceso. E programa aki inicialmente ta dirigi riba mucha hombernan, comokiera cu e ta worde ehecuta den Marinierskazerne cu no ta ekipa pa ricibi hende muhe.
E mandatario a enfatisa si cu e lo cambia of worde adapta, pasobra tambe tin interes di parti di mucha muhernan. E proyecto aki ta bou encargo di un Oficina cu lo mester maneha e programa. Djey tin Marina cu lo tin e hobennan completamente bou di nan guia durante 4 luna largo.

Pa e proyecto aki a construi baraknan special. Despues Enseñansa pa Empleo lo ta encarga pa desaroya e diferente lineanan di estudio pa un ofishi cu e hoben scoge.

Segun e lista cu Gobierno a logra compila cu ayudo di Censo, tin entre 200 pa 300 hoben cu ta cumpli cu e condicionnan pa forma parti di e programa aki di Formacion Social. Mester wak cuanto di e hobennan aki ta sin trabao y no ta bayendo school mas. Marina no kier cuminsa cu un grupo grandi.

Nan kier cuminsa cu un cantidad cu nan por maneha den un sentido responsabel. Na momento cu por, Gobierno lo sinta un bes mas na mesa cu Marinierskazerne pa wak si por amplia e cantidad di participantenan.

- Advertisement -

DUNA COMENTARIO

Please enter your comment!
Please enter your name here