Home General Minister Oduber Satisfecho Cu Avancenan Di Insel Air Aruba Y Tiara Air...

Minister Oduber Satisfecho Cu Avancenan Di Insel Air Aruba Y Tiara Air Aruba

0
0
SHARE
- Advertisement -

ORANJESTAD  (AAN):   Diahuebs siman pasa a tuma lugar e traspaso oficial di e Fokkernan 50 na Insel Air International na e hangar na Hato, Curaçao. Esakinan ta e Fokkernan 50 cu ta carga e logo di Aruba y cu a ser adkiri for di KLM. E avionnan aki lo worde registra y staciona na Aruba na momento cu e AOC keda cla.

     E avionnan aki lo forma parti hunto cu e MD 80 ( cu na e momentonan aki ta na Colombia pa pone e Aruba branding riba dje) pa cubri rutanan cu a worde acorda cu Insel Air operando bou di identidad apart, esta Insel Air Aruba. Intencion ta pa cuminsa e operacionnan desde Aruba pa e siguiente destinacionnan: Curaçao, Caracas, Barquisimeto, Miami, San Juan y Punta Cana e aña aki mes.

      Den e di dos fase, na 2012, nan lo cuminsa bula pa Sint Maarten, Valencia, Barranquilla, Medellin, Quito, San Jose y Havana, Cuba.

       Mester bisa cu e operacionnan lo cuminsa na augustus na momento cu e AOC keda finaliza. Tambe Insel Air Aruba lo lease un avion 737-800 cu capacidad di 180 pasahero pa bula e rutanan di New Wark y Sao Paulo. E rutanan aki lo inicia asina nan ricibi e AOC y haya e permisonan necesario for di Merca y Brasil pa por opera. Intencion ta pa usa e avion aki durante e high season y despues durante low season remplace cu un MD 88 cu Insel Air Aruba lo adkiri den futuro.

      Pa loke ta trata Tiara Air Aruba por bisa cu su dos Shortnan a haya nan Aruba branding y ta en tramite pa adkiri den lease un 737-300 di 147 pasahero. E rutanan nobo cu Tiara Air Aruba lo cubri ta: Caracas, Fort Lauderdale, Valencia, Armenia, Cucuta, Medellin y den futuro Barbados y Boston.

     Por bisa tambe cu e aerolinea aki ta den proceso di adapta su AOC pa incorpora e operacionnan di e 737-300 den su permiso.

     Minister Otmar Oduber ta hopi satisfecho cu e avancenan aki di e acuerdo di cooperacion cu a worde firma entre Tiara Air, Insel Air y Gobierno di Aruba dia 18 di April ultimo, cual ta brinda e oportunidad, di no solamente haci di aeropuerto di Aruba un hub cu lo yuda nos habri otro portanan den e region aki, pero cu ta sirbi pa tanto turista y nos poblacion mes pa habri mercadonan directo for di Aruba y pa por haya mas stulnan disponibel.

- Advertisement -

DUNA COMENTARIO

Please enter your comment!
Please enter your name here