Archivo di August, 2011
E dos partidonan grandi di Aruba ta pasando den mal momento actualmente, MEP pa motibo di un lucha interno pa liderazgo cu a caba den fin di siman, y AVP pasobra un Parlamentario cu e cerebro di e tamaño di un stuf di potlood, tine secuestra. Tur e Ministronan hunto no por a tuma e decision cu nan mester a tuma, o sea di respalda abiertamente y publicamente e Ministro di Enseñanza, y a permiti pa Juan David, alias Pitipois, converti nan den rehennan di su capricho. Poco biaha mi a yega di mira un actuacion asina debil di parti di cualke Ministro!
APA y STA leu di otro den negociacion CAO:
ORANJESTAD (AAN) – DIARIO a acerca director di Aruba Port Authority, señor Alfonso Boekhoudt, relaciona cu e encuentro cu el a tene ayera, como tambe e sindicato STA, cerca Mediador, den cuadro di e Contrato Colectivo cu nan ta negociando ya pa algun siman caba.
Boekhoudt a menciona cu esaki ta e di tres bishita caba cu ta tuma lugar cerca e mediador, y e intencion ta cu e lo por haya e caminda di intermediacion pa asina laga e partidonan yega mas cerca di otro. Kiermen tur dos partido mester haci un esfuerzo pa logra esaki.
Ta bay instala un grupo di trabao pa analisa e formula ideal
ORANJESTAD (AAN): Gobierno y e Asociacion di Panaderianan a reuni dialuna ultimo pa por analisa con lo sigui atende cu e formula con ta yega na prijs di pan blanco, cu ta regula pa ley. Durante e reunion aki Gobierno a enfatisa cu no ta aumenta prijs di pan blanco e aña aki pasobra e panaderianan no por a prueba cu nan gastonan a subi di tal forma cu ta hustifica un aumento. A propone na nan pa instala un grupo di trabao cu lo reuni, analisa e formulanan y pa por propone na Gobierno un formula nobo cu ta cumbini e panaderianan y e pueblo tambe. Gobierno ta dispuesto pa revisa e prijsnan otro aña y den esaki no necesariamente ta nifica cu prijsnan lo aumenta, kisas nan lo por baha tambe!
ORANJESTAD (AAN): Informe di Hulanda ta indica cu tanto ‘Joran’ como tambe ‘Joran van der Sloot’ desde poco tempo a bira nombernan di marca proteha.
Alrededor di 6 luna pasa e mama di Joran a registra nomber di su yiu como marca comercial.
Esey director di pelicula Paul Ruven a descubri, ora cu e tabata trahando riba e pelicula riba Joran, esta ‘Me & Mr. Jones.
“Net prome cu nos kier a bay edita e pelicula, un carta di un abogado di van der Sloot a yega na nos”.
ORANJESTAD (AAN): E edificio cu antes tabata conoci como imprenta VAD riba Boulevard, esta net pabao di Quiznos, posiblemente ta bay bira e refugio temporal pa alumnonan di St. Annaschool na Noord. Aunke ainda SKOA no a anuncia esaki oficialmente, tin indicacion cu trabao a cuminza caba pa asina ‘schot’ e interior di edificio, pa traha klasnan cu por acomoda e alumnonan cu a keda sin les desde siman pasa Diahuebs.
Minister Otmar Oduber:
ORANJESTAD (AAN): Departamento di Progreso Laboral lo forma un instrumento importante tambe den e maneho social cu Gobierno lo hiba. E procedura introduci door di DPL, bou encargo di Minister Otmar Oduber, ta crea tambe e forma pa haya sa e personanan cu p.e. ta busca trabao pero no kier traha, pero si kier ayudo di Gobierno. Apesar di esaki, e meta no ta pa laga e hendenan aki riba caya, sino busca e origen di nan problema y ta trata di yuda nan pa forma un parti positivo di e comunidad.
ORANJESTAD (AAN): Ainda nan ta kere cu ta facil pa drenta cu droga? E ciudadano Jose Manuel Iguaran, riba Diamars mainta a purba drenta KIA cu marihuana, pero e personal atento di C.E.A. na porta a gare, detene y entregue mesora den man di autoridadnan policial.
E homber na warda di polis a ser interoga y el a splica polis cu e no tabata sa mes cu e tin marihuana den su saco di carson. E homber aki den pasado tabatin un compania di seguridad pero for di algun tempo caba a cuminsa coy e caminda robez y te hasta debe varios hende.
Trahadornan di ELMAR ta hopi bon paga, pero:
ORANJESTAD (AAN) – Señor Frank Kock, den nomber di un grupo di habitante di e bario di Hooiberg pafo, biba un tiki pariba di Well Well a papia cu DIARIO, tocante un situacion cu ta preocupa nan. Sr. Kock ta conta cu ta asina cu mas of menos un 15 meter di Well Well, unda tin un caminda di “T” (dos cruzada dilanti otro, un pa bay Hooiberg paden y e otro pa bay Cero Biento) tin dos palo di ELMAR cu un luz neon, como señal pa peligro di trafico.
E luznan aki periodicamente ta paga y pa sorpresa di e vecindario, aunke ta trata di un caminda principal (Santa Cruz), polis y trucknan di ELMAR ta pasa eybanda, incluso politiconan ta recore e caminda aki, pero nunca nan ta ripara cu e luznan aki, specialmente esun pariba di Well Well cu ta net riba e caminda principal, ta un señal pa caminda peligroso, y cu e ta paga.
Diego de Cuba, lider STA:
ORANJESTAD (AAN) – Manera ta conoci, Sindicato Trahadornan di Aruba (STA), ta representando e trahadornan di Aruba Port Authority, den negociacion di un contrato colectivo nobo cu gerencia di APA. DIARIO a entrevista Diego de Cuba, presidente di STA, ken a duna di conoce cu diamars mainta pa 10.30’ or nan a bolbe reuni cu e Mediador, y locual el a trece dilanti, basicamente ta, cu instruccionnan cu por guia un partido acerca na otro, unda ta keda na cada partido bay studia locual el a trece dilanti, pa wak si tin e boluntad, y e ora ey diabierna 3’ or di atardi, sinta na mesa atrobe, hunto cu mediador, pa wak si por yega na otro.
ORANJESTAD(AAN):== Cu un total 1693 voto valido, Congreso 2011 di partido MEP a eligi Evelyn Wever como e siguiente lider di e partido. E ta e di tres lider di MEP y ta e prome hende muhe cu lo encabesa e lista color geel di e partido. Evelyn Wever ta asumi e puesto aki net na momento cu e partido ta confrontando hopi reto, incluyendo esunnan interno.
E resultado di eleccion a keda anuncia alrededor di 6:30PM y den esaki 264 voto a bay pa Carl Giel, sigui pa 270 voto na fabor di Ady Thijsen y 1159 pa Evelyn Wever-Croes.
ORANJESTAD(AAN):== Mescos cu tabata e caso 25 aña pasa ora cu Sr. Nelson Oduber a ricibi e martieu dia cu e la wordo eligi lider di MEP diadomingo atardi Sr. Oduber a entrega e martieu na Evelyn Wever Croes.
Ademas di a entrega e martieu Sr. Oduber a hasi entrega di e himno di partido MEP riba un disco (LP).
Esaki ta un di e uniconan cu ainda ta existi.
ORANJESTAD(AAN):Dos detencion ta loke a sosode na San Nicolas den Caya Haarlem y tambe Dr Schaepmanstraat. Esaki tin di haber cu e caso di e dos fugitivonan. Pa algun dia autoridad tabata nan tras vigilando nan pasonan. E dosnan aki di un of otro forma tabata tin contacto cu Edmond Lo-A-Njoe y tambe Ulgino Gonzales. E asunto di arma ta loke autoridad tin masha na serio. Mainta nan a drenta e dos casnan y asina haci e detencion. A listra den e cas tambe. No a topa cu mas arma den e caso aki.
E dos partidonan grandi di Aruba ta pasando den mal momento actualmente, MEP pa motibo di un lucha interno pa liderazgo cu a caba den fin di siman, y AVP pasobra un Parlamentario cu e cerebro di e tamaño di un stuf di potlood, tine secuestra. Tur e Ministronan hunto no por a tuma e decision cu nan mester a tuma, o sea di respalda abiertamente y publicamente e Ministro di Enseñanza, y a permiti pa Juan David, alias Pitipois, converti nan den rehennan di su capricho. Poco biaha mi a yega di mira un actuacion asina debil di parti di cualke Ministro!
