Home Editorial Contesta na Juan David Yrausquin

Contesta na Juan David Yrausquin

3
0
SHARE
- Advertisement -

             Si e intencion di Juan David ta pa causa AVP suficiente daño prome cu eleccion pa e no keda cu ningun oportunidad di triunfo, e ta riba un bon caminda cu su teorianan y fantasianan dogmatico. Ni den nos Constitucion, ni den nos pasado, ni den nos historia politico, un adhesion irazonable na loke ta poni riba
papel a funciona pa e bienestar di nos isla. Ehemplonan tin na cantidad y ta bon pa e bay investiga nan, especialmente esnan cometi durante e gobernacion di su famia (Juancho Yrausquin) y e PPA na cual e y Juan David ta pertenece pa naturaleza.

               Un cos ta cierto: Juan David ta riba e lista ekiboca, y e ta den Parlamento, no como parti di un ekipo sino como un voz solitario
gritando su filosofia y teorianan den bashi. Ni na Merca, ni na Europa, ni na ningun otro parti di mundo, e adhesion sin reforma o interpretacion di loke ta constitui e guianan di un pais ta solido manera un roble. Pesey roblenan, durante un horcan, ta cay, y matanan di coco ta sobrebibi pasobra nan ta zway cu biento y ta mantene nan raiznan firme.

              E ta blo ta ataca e proyecto di e schoolnan pasobra simplemente e no ta compronde nan. Por ta cu envidia ta hunga un papel grandi den su razonamento, pero si el a studia e proyecto bon, y a realiza cu e ta beneficioso den tur sentido pa enseñanza, anto na lugar di critica Artur Dowers, e lo a apoye completamente. Ta trata di un proyecto limpi, bon hinca den otro, tecnicamente perfecto, ahorativo di placa pa Gobierno (lesa Pueblo), y ehecutable den poco luna. Sinta warda añanan largo djis pa complace e idea eroneo cu e tin di un bon gobernacion, lo costa Pueblo mas di 6 miyon di florin extra, ademas di tur loke el a perde caba cu e huurmento
di trailernan (hasta den mal estado) durante tanto aña, y cu nunca Juan David a cuestiona ni critica!

              Pa delibera riba nos Constitucion bo mester tin por lo menos un educacion den Ley, comprondiendo, manera cu e Hueznan ta compronde ora nan trata nan casonan, cu Ley ta Ley, pero cu e tey tambe como un guia, un base, pero cu e interpretacion di loke e ta significa den cada caso ta varia. Loke Juan David, alias ‘pitipois’, pasobra un ‘green giant’ e no ta, no ta compronde ta loke nos, a base di tanto experiencia, a haya sa: interpretacion di un Ley bal mes hopi cu e Ley mes, cua cu e ta, y unda cu e por ta, hasta den nos constitucion.

              Ademas, ta ken a bisa Juan David cu ora un empresa mes ta financia un proyecto pa Gobierno e mester obligatoriamente bay den un licitacion publico? Ta paga Gobierno ta paga pa luna un parti igual, dividi den e lunanan cu e contrato ta dura, pa e inversionista por recupera su inversion y haci su ganashi.  Acaso e negoshi di auto di Juan David ta obra a base di factornan incambiable?   E ta bende tur auto na e mesun prijs cu tur cliente,
of e tin di regatea y desvia di e prijs fiho pa haci e benta den hopi ocasion, faborable pa un y desfaborable pa otro? Y ta na cua school Juan David a tuma les di Ley, Constitucion, o nan interpretacionnan? 

               E mester publica su diploma(nan) pa nos mira ta con leu el a yega den su conocimentonan teorico di e materia cu el a escoge, y con e ta tribi di relaciona nan cu otro temanan cu e no tin ningun nocion di nan funcionamento practico.

              Un Gobierno no ta obra a base di dogma, di teorianan asina fiho cu hasta si e mester zak den otro e mester mantene su mes pega manera un cleconchi na nan. Nos historia politico y gubernamental no ta duna ningun indicacion cu den algun momento tabata tin e perfeccion cu Juan David ta exigi di su propio Gobierno, no como un contribucion, sino como un critico severo di dje. Ta con bo por pertenece na un partido si bo no ta respeta su mistica? Si bo no ta incorpora bo mes den su plataforma politico? Si bo no ta interesa den cuanto daño bo ta cause djis pasobra bo kier bira un imitador di un familiar cu a desaparece hopi decada pasa? Y si e bay studia e gobierno di Juancho Yrausquin bon, mi ta sigur cu e lo sali hopi decepciona den loke e ta bay averigua pa loke ta trata constancia, adhesion na nos Constitucion, otorgamento di permisonan y contratonan na tercera persona, y un tanda di corupcion casi inigualable den cualke otro gobierno di nos isla.

               Dogma ta propio di Iglesia, unda e ta existi pa necesidad di constancia den e asuntonan incambiable di nos religion, pero den un Gobierno, cua cu e ta, e ta tabu, e mester ta completamente inexistente.

             Miho Juan David, alias pitipois, cay na rudiya y pidi Artur Dowers pordon pa su estupideznan lanza como dogma, y tuma su retiro di un partido cu merece un miho representante mas consono cu realidad y menos pega na teorianan dogmatico absurdo y inaplicable.

- Advertisement -

DUNA COMENTARIO

Please enter your comment!
Please enter your name here