Home Politica Na december 2010 nan a vota contra e mocion

Na december 2010 nan a vota contra e mocion

1
0
SHARE
- Advertisement -

Lider di M.E.P Evelyn Wever Croes ta kauw bals bieu
ORANJESTAD (AAN): Segun Marlon Sneek di AVP, riba Dialuna dia 22 di augustus 2011, mi por a tuma nota cu den rueda di prensa di partido M.E.P, e lider di partido sra Evelyn Wever Croes, direpente ta preocupa cu enseñansa.
El a trece dilanti cu aña escolar a start y cu e a haya un cantidad, di yamada cu e aña schoolar a cuminsa y cu tin un cantidad di school na werki. Mi ta kere cu mas bien, e a haya varios yamada, pa bise cu porfin toca turno na e schoolnan di Santa Cruz,, esta Casique Macuarima y Maria school, y ta bon pa bisa tambe cu na 2000, bou di gobernacion di A.V.P, colegio San Jose a haya un renobacion completo.
La Salle College, Abraham de Veer school y St Dominicus College: Tambe por a tende e lider di M.E.P sra Evelyn Wever Croes, hunga interesante cu e echo cu La Salle College y st Dominicus college no ta cla ainda y e no sa tende nada di minister, wel mi mester cuminsa na bisa, cu nos fraccion di A.V.P a entrega un mocion dia 6 di december 2010, den e tratamento di e fondo di S.I.F pa atende cu e schoolnan aki y e fraccion di M.E.P a vota contra e mocion aki y awe kier bin pretende di ta preocupa cu e destino di e schoolnan aki.

Apart di esaki, mi persona haciendo mi trabao como parlamentario a manda puntra minister, den un carta oficial dia 10 di maart 2011 con a para cu e schoolnan aki, minister a contesat dia 27 di april 2011. Pero ta di compronde, ora bo ta haci e trabao di parlamentario, como un “part time job” bo no ta haya chance di pasa den e documentonan di staten, dus bo no por tuma nota di e informacion nan aki. Awe 23 di augustus 2011 minister hunto cu F.D.A, ta firmando cu Bohama pa loke ta e renovacion di La Salle College y St Dominicus College. Foei lider foei mi a spera hopi mas di bo.

- Advertisement -

DUNA COMENTARIO

Please enter your comment!
Please enter your name here