Home General Turista keto bay desapareci den laman

Turista keto bay desapareci den laman

3
0
SHARE
- Advertisement -

ORANJESTAD (AAN): Autoridad ta buscando e muher Mericano, kende desde cu su casa a reporta cu el a desparece durante nan ta snorkel na Baby Beach. Manera ta conoci tur e dianan buskeda ta worde haci pa busca curpa di e muher mericano na Robyn Lynn Garbner, naci dia 23 di April 1976. Segun su casa, nan a bay snorkel pafor di cay y segun informe net e dia ey, Servicio Meteorologico a indica cu laman tabata keto y coriente suave. E homber a yega tera aparentemente sin su casa y despues di basta rato el a bati alarma. No ta conoci con leu di costa nan a bay snorkel aparentemente nan a haci uso di duik bril. E pareha segun informe a yega Aruba y nan a hospeda na Marriott hotel.
Un grupo di buzo a bay den laman y a keda pa basta oranan largo buscando sin cu nan por localiza e curpa di e muher Robyn. Mientras tanto famianan na Merca a worde notifica di e tristo noticia y aparentemente tin a yega Aruba caba pa sa kico exacto a socede. Hopi ta puntra su mes con un pareha ta bay snorkel y a aleha for di otro cu na dado momento nan lo ta perde otro for di bista.

E homber ta bin tera y warda te ora e muher sali y te dia di awe e muher no a worde localiza.
Autoridad a bay hotel buscando den direccion si aki lo por ta trata di un crimen. Si ta corecto, hotel lo mester tin camera riba e piso na unda e pareha ta hospeda y con nan lo ta anda cu otro durante nan estadia den e hotel encuestion.

Camber sigur tambe a worde revisa pa kita tur duda. No ta exclui cu ya caba autoridad locual pa medio di nan contacto na Merca buscando mas informe si acaso nan lo por tin un record of no.
Via di famia, amigonan lo por haya cierto informenan si acaso tin cierto problema den cual e pareha a pasa of ta pasando den dje. E investigacion mester worde haci amplio pasobra den pasado a yega tuma lugar casonan similar na unda homber a desaparece y esnan cu a keda atras a cobra basta placa di Aseguro y ora cu a investiga e caso mas profundo a resulta cu crimen a worde comete.

Parce na prome instancia caba e homber cu ta hiba e muher di mas o menos 15 aña di diferencia tabata actua poco straño y locual ta worde menciona asunto di abogado of lo bay busca abogado cual a hala atencion tambe.

No ta conoci si aki lo ta trata di e mesun bishitante cu aparentemente cada dia lo ta cambia color di su cabey hospeda na un high rise hotel. E caso relaciona cu e muher perdi tin debido atencion di autoridad local y tin investigacionnan profundo na e momentonan aki ta worde haci pa evita manera a worde bisa den pasado “Geen Lijk Geen zaak”.

- Advertisement -

DUNA COMENTARIO

Please enter your comment!
Please enter your name here