Archivo di September, 2011

Obituario Diabierna 30 September 2011

Publication: Friday, 30 September 2011. Categoria: Obituario

Cumpleaños Diabierna 30 September 2011

Publication: Friday, 30 September 2011. Categoria: Cumpleaños

:D :D :D :D :D :D :D :D :D :D

Hiep Hiep hoera nos ta canta awe pa nos pops SUE-GYLAINNE AKAYSHA SOPHIA cu awe a cumpli 5 aña di edad. Pabien e ta haya di su mami Sue-Jeen i su papi Ramphis. Tambe brasa i sunchi e ta haya di su oma Marisca i Sisterlin i opa Elio i Erwin i di bo dino Nick. Felicitacion ta bin tambe di su amiguitonan di Trupial KleuterSchool i traimerdia. Sin lubida pabien e ta haya di su primonan Germain, Qurson, Sulainy i di bo primo stima Quishawn. Por ultimo hoooopi brasa i sunchi bo ta haya ompi Minco tio Ventji i di bo tanta fastioso Jasmin. Nos tur ta desea cu bo pasa un dushi dia i corda haci bon mucha paso zwarte piet pronto ta na caminda.

:D :D :D :D :D :D :D :D :D :D

 

Cumpleaños Diahuebs 29 September 2011

Publication: Thursday, 29 September 2011. Categoria: Cumpleaños

:D :D :D :D :D :D :D :D :D :D -

Awe ta cumpli aña e reina di papilon  celia wernet

pabien di parti su casa ,su 2 yiunan y tambe di su 4

nietos nan cu ta stimele masha hopi mes , y sin

laga afo di parti darly y sandra cu ta manda bise

corda trece bolo cu old parr haha !

:D :D :D :D :D :D :D :D :D :D -

 

Ilusion y realidad den Politica! (1)

Publication: Wednesday, 28 September 2011. Categoria: General

             Durante e tratamento di e proyecto di modulonan structural pa schoolnan, a sosode den Parlamento varios cos cu merece comentario. Si bo a sigui e debatenan bon, bo por a nota con e ilusion di grandeza di un seudo-politico a hacie kere cu e tabata den un mision de redencion na algun parti di Africa o China, lubidando por completo riba realidad. Un politico, e mester por a compronde, no ta un misionero; e no ta den Parlamento pa propaga Evangelio, sino pa mustra su adhesion y lealtad na e partido na cual e ta pertenece, y cu a permitie yega na unda e ta: un Parlamentario (no un Mesias!). Pero, esey el a pasa completamente por alto!
Su ego, mi ta kere, a predomina riba su capacidad intelectual, y su odio y/o envidia a hacie mira spirito unda nan no tabata existi.

Bomberonan a evita desaster na airport cu helicopter Venezolano

Publication: Wednesday, 28 September 2011. Categoria: General

Na Curaçao recientemente el a falta respet pa esnan di aviacion…
ORANJESTAD (AAN): Diaranzon atardi algo despues di 5’or un Helicopter di bandera venezolano a baha cu problema na Aeropuerto Internacional Reina Beatrix. Aki un Helicopter color preto cu registracion YV2715 a haya problema cu su tren di aterizahe. Un di e wielnan no kier a sali y esaki a stroba e helicopter di baha y paga su motor. Personal di cuerpo di bombero ora cu e helicopter a bati alarma a mobiliza mesora cu tres crash truck. Tambe e ekipo di rescate a ser mobiliza. Esnan den e helicopter tabata desespera pasobra si e helicopter a kentel e por a bira un situacion desastroso riba e pista di aeropuerto.

Alarma falso na RBTT San Nicolas

Publication: Wednesday, 28 September 2011. Categoria: General

ORANJESTAD (AAN): Diaranzon mainta alrededor di 10:30 patruyanan di San Nicolas y Atraco Team a mobiliza cu urgencia pa RBTT San Nicolas den Caya. E compania ISS Security encarga cu e seguridad di RBTT a haya un “silent alarm” y mesora a bati alarma na autoridadnan concerni.
Na yegada a papia cu e branch manager y a constata cu un empleado pa accidente a primi e boton di e alarma silencioso. E forma cu e compania aki a reacciona tabata e procedura cu cos mester cana tambe.

Poblacion di Aruba den ultimo decada a crece cu mas di 11 mil hende mas den forma natural cu door di migracion

Publication: Wednesday, 28 September 2011. Categoria: General

*Aruba tin 96 diferente nacionalidad di 133 diferente pais
ORANJESTAD (AAN): Den sala di prensa di gobierno a worde yama un conferencia di prensa, unda cu CBS a duna un presentacion riba e resultado di Censo 2010. Director di CBS Martijn Balkestein a splica ampliamente riba esaki. Tabata tin 1300 teller cu a haci hopi trabao den e dianan di conteo y el a gradici tur esnan cu a traha den e proyecto aki. Balkestein a trece dilanti cu Aruba ta consisti di hendenan di 96 diferente nacionalidad, cu ta procedente di 133 diferente pais. Di cada 5 persona, uno ta menor di edad di 15 aña, mientras cu 15% di nos poblacion ta disfruta caba di un pensioen. El a splica tambe cu Aruba tin un forza laboral di mas di 50.000 hende, ganando un average di 2.800 Florin pa luna.

Durante reunion miembronan di Staten a pidi gobierno extra informacion tocante abuso di mucha

Publication: Wednesday, 28 September 2011. Categoria: General

Parlamentario drs. Marisol Lopez Tromp:
ORANJESTAD (AAN) – Parlamentario Independiente drs. Marisol Lopez Tromp a yama un conferencia di prensa, diaranzon, den el a toca dos punto. E reunion di Staten tocante abuso di mucha y e reunion di diamars tocante enseñanza y husticia. Tocante e topico di abuso di mucha, e parlamentario a señala cu esaki ta un asunto serio den nos comunidad, y miembronan di Staten a pidi gobierno extra informacion, pa loke ta trata abuso di mucha. El a menciona cu cada orado a trece su punto di bista dilanti, con por combati e problema aki, na fabor di nos muchanan.

Minister Otmar Oduber a inicia e proceso pa ahusta salario minimo entrante 1 di januari 2012

Publication: Wednesday, 28 September 2011. Categoria: General,Politica

ORANJESTAD (AAN): Minister di Labor, Otmar Oduber, for di algun tempo caba a bin ta preparando pa inicia e proceso pa adaptacion di salario minimo entrante 1 di januari 2012.
E mandatario a haci un peticion urgente na Departamento di Labor y Investigacion (DAO) pa inicia e procedura pa un ahustacion eventual di salario minimo actual. Basa riba articulo 13 lid 1 di e Landsverordening Minimumlonen, e Minister encarga cu Labor por, despues di a scucha Sociaal Economische Raad (SER), ahusta e salario minimo den caso cu tin un aumento di e prijsindexcijfer den e periodo di augustus 2010- augustus 2011.

Alrededor di 9 mil Colombiano ta biba na Aruba

Publication: Wednesday, 28 September 2011. Categoria: General

Cifranan di Censo 2010:
Alrededor di 9 mil Colombiano ta biba na Aruba
ORANJESTAD (AAN): Durante un conferencia di prensa, director di CBS Martijn Balkestein a papia tocante e resultadonan di e Censo di 2010. Pa loke ta religion, el a bisa cu e cantidad di hende cu a bisa cu nan no tin religion, a subi for di 2000 te cu awor cu 1,6%.
Di otro banda 3% mas hende a bisa cu nan a cambia di religion.
Loke a cambia tambe ta e composicion di cada hogar.
Actualmente cada hogar tin un average di 2,9 persona, mientras cu na aña 2000 esaki tabata 3,1 y na 1991 e tabata 3,5.

Cumpleaños Diaranzon 28 September 2011

Publication: Wednesday, 28 September 2011. Categoria: Cumpleaños

:D :D :D :D :D :D :D :D :D :D

Awe a haci aña e mama mas dushi di aruba esta

Marlene Croes e ta ricibi un pabien di party su famia

croes y di su amistad nan mas cerca, y di su unico

prins Marcderrick Croes. Have a blessed day enjoy it.

:D :D :D :D :D :D :D :D :D :D

Obituario Diaranzon 28 September 2011

Publication: Wednesday, 28 September 2011. Categoria: Obituario

Inversionistanan a pone dowpayment pa hotel na San Nicolas

Publication: Wednesday, 28 September 2011. Categoria: General

Bushiri Hotel lo bai destaho mientras cu
ORANJESTAD(AAN):– Tur cos ta canando hopi bon pa loke ta e proyecto pa e hotel na San Nicolas. Ya caba e inversionistanan a pone un suma di 250 mil algun siman atras. Awor nan tin te 3 di November pa cuminsa cu e proyecto. Si esaki no keda cla anto nan a perde nan 250 mil.
No a keda mas espacio tampoco pa prolonga e fecha pa e tereno.
Si e inversionista a pone e downpayment nifica cu nan tin interes. Ningun hende ta bai pone un suma asina grandi cu chens pa perde esaki. Mientras tanto Bushiri Hotel tambe lo bai un destaho.
Esaki conseho di minister a dicidi caba.

Atrobe partinan di Aruba tabata sin coriente

Publication: Wednesday, 28 September 2011. Categoria: General

ORANJESTAD(AAN): –Tabata algo prome cu un cuarto pa 10 anochi ora cu diferente bario den distrito di Noord e.o. Monserat, Safir, Montaña, Kamai, Opal, Bubali, tur a keda sin coriente. Tecniconan di N.V. ELMAR a bai riba caya purbando di soluciona e problema. E kehonan tabata bastante di esnan cu no por a logra un anochi cu coriente.

Tres auto den desgracia sin hende herida

Publication: Wednesday, 28 September 2011. Categoria: General

ORANJESTAD(AAN):– ayera anochi na e cruzada di Driemasterstraat y Santa Helenastraat a sosode un accidente cu tres auto envolvi. Un V-car cu un pareha turista den Yaris V-4695 biniendo di Driemasterstraat a subi e crusada sin paga tino.