Alrededor di 9 mil Colombiano ta biba na Aruba
Cifranan di Censo 2010:
Alrededor di 9 mil Colombiano ta biba na Aruba
ORANJESTAD (AAN): Durante un conferencia di prensa, director di CBS Martijn Balkestein a papia tocante e resultadonan di e Censo di 2010. Pa loke ta religion, el a bisa cu e cantidad di hende cu a bisa cu nan no tin religion, a subi for di 2000 te cu awor cu 1,6%.
Di otro banda 3% mas hende a bisa cu nan a cambia di religion.
Loke a cambia tambe ta e composicion di cada hogar.
Actualmente cada hogar tin un average di 2,9 persona, mientras cu na aña 2000 esaki tabata 3,1 y na 1991 e tabata 3,5.
E conclusion ta pues cu e tamaño di famia den cada hoga ta bira menos.
Balkestein a splica tambe cu e cantidad di mama cu yiu a baha.
Pues menos muher ta haya yiu, mientras cu mas mama ta biba cu yiu y mas tata ta biba cu yiu.
En total 62% di hoben ta biba cu nan mayornan y un grupo basta grandi ta biba sea cu mama, sea cu tata, sea cu ningun di nan.
Director di CBS a indica tambe cu no tabata tin mucho cambio den e situacion di esnan cu ta biba na Aruba cu no a nace akinan.
Di tur e hendenan no di Aruba, e cantidad di Colombiano ta sobrepasa tur.
Actualmente tin mas di 9000 Colombiano ta biba na Aruba, sigui pa 4300 Hulandes, sigui pa hendenan di Santo Domingo, Venezuela, Haiti etc.
