Bomberonan a evita desaster na airport cu helicopter Venezolano
Na Curaçao recientemente el a falta respet pa esnan di aviacion…
ORANJESTAD (AAN): Diaranzon atardi algo despues di 5’or un Helicopter di bandera venezolano a baha cu problema na Aeropuerto Internacional Reina Beatrix. Aki un Helicopter color preto cu registracion YV2715 a haya problema cu su tren di aterizahe. Un di e wielnan no kier a sali y esaki a stroba e helicopter di baha y paga su motor. Personal di cuerpo di bombero ora cu e helicopter a bati alarma a mobiliza mesora cu tres crash truck. Tambe e ekipo di rescate a ser mobiliza. Esnan den e helicopter tabata desespera pasobra si e helicopter a kentel e por a bira un situacion desastroso riba e pista di aeropuerto.
Esnan di cuerpo di bombero a logra drenta bao di e helicopter ora cu esaki tabata bahando y hinca algun palo bao di e parti unda e wiel mester sali. Asina a logra balanza e helicopter di tal forma cu por paga e motor.
E helicopter aki tabata den noticia na Corsow fin di Maart. El a viola of burla di cierto regla di aviacion. E tabata un discusion pasobra te hasta un funcionario halto di gobierno hulandes tabata abordo y mescos e prome minister di Curaçao. Awor den apenas algun luna e helicopter a yega Aruba cu algun pasahero y a hera accidenta.
