Home General E presidente a mustra cu Parlamento Latino tin retonan grandi

E presidente a mustra cu Parlamento Latino tin retonan grandi

0
0
SHARE
- Advertisement -

Elias Castillo:

ORANJESTAD   (AAN):   Na parlamento e presidente di parlamento di Aruba a haya bishita di Elias Castillo presidente di Parlatino Latino Americano.

   E lo ta na Aruba relaciona cu reunionnan Parlatino cu lo tin riba nos isla entrante diahuebs. Ya caba tin como 80 parlamentario di diferente pais presente di parlamento Latino.

    E reunionnan aki ta hopi importante. E laso di Amistad sigur ta importante tambe pa uni e paisnan cu otro. Tin encuentronan di interes cu semper ta bon pa discuti cu otro na bienestar di cada pais segun presidente di parlamento Paul Croes. Elias Castillo presidente di Parlatino tambe a hiba palabra.

    Durante e ocasion el splica cu esaki ta prome biaha cu un miembro di parlamento di Latino America ta bira presidente. Semper tabata un persona di Sur America. Ya caba ta trahando riba un edificio nobo di Parlatino cu pa 2012 mester keda cla. E parlamento Latino Americano tin hopi reto grandi. Tin cuater punto cu lo ser atendi den e reunion. E organismo lo atende cu temanan mas importante den e region. E temanan comun ta cosnan cu ta worde atendi.

    Elias Castillo a splica cu cosnan cu worde discuti mester tin continuidad di esaki tambe. E mandatarionan di cada pais formando parti di Parlatino tin tarea pa haci a base di resultadonan tambe discuti den Parlatino. Elias Castillo a splica cu e parlamento Latino tin acuerdo cu 80 organismo internacional. Tur esakinan ta worde poni den practica tambe. Tabata tin un congreso di educacion virtual. E organism ta bibo y no un protocol. Pesey ta un gusto pa reparti cu e diferente coriente cu tin den parlamento di Aruba.

    Aruba ta miembro pa hopi aña caba di Parlatino. A puntra Elias Castillo pa duna un impresion di algun di e logronan clave cu a sali for di reunionnan Parlatino. Derecho humano y violencia ta djis algun leynan cu a worde atendi cu por worde usa tambe como ehempel na otro paisnan. Na Aruba esaki no ta asina segun Elias Castillo pero tin otro temanan cu tambe ta faborece nos isla.

- Advertisement -

DUNA COMENTARIO

Please enter your comment!
Please enter your name here