Home General Paul Croes reeligi como Presidente di Parlamento

Paul Croes reeligi como Presidente di Parlamento

1
0
SHARE
- Advertisement -

ORANJESTAD (AAN): E ta e Presidente di Parlamento di e edad mas hoben den nos historia politico. Pero su edad nunca a strobe gana e confianza di su coleganan den e organo mas halto den nos comunidad. Awe mas cu 2/3 parti di Parlamento a vota na fabor di Drs. Paul Croes, pa e sigui den su funcion di Presidente di Parlamento. Manera ta tradicion, riba e di dos dialuna di september e aña Parlamentario ta termina y mesora ta vota pa Presidente y Vice Presidente nobo. E dosnan aki mester cuminsa nan trabao pa dirigi nos Parlamento, cu diamars mainta ta habri un aña nobo, pues e aña Parlamentario 2011-2012.
Tabata tin solamente 17 miembro den sala di Parlamento. Lamentablemente aunke e reunion aki ta asina importante, toch 4 miembro a opta pa no atende, pa un motibo of otro. Di e 17 miembronan den sala, 14 miembro a vota na fabor di Paul Croes como Presidente di Parlamento y solamente 3 miembro a vota “tegen”.

Den caso di e Vice Presidente di Parlamento, Chris Dammers a conta cu casi mesun sosten cu su colega Paul Croes. E Vice Presidente a conta cu 13 voto na fabor di su posicion.

Cu e eleccion aki, e mesun Paul Croes y Chris Dammer cu a dirigi nos Parlamento durante e aña Parlamentario 2010-2011 awor lo sigui cu nan trabao durante e aña Parlamentario 2011-2012.

- Advertisement -

DUNA COMENTARIO

Please enter your comment!
Please enter your name here