Home General Splicando esaki den reunion publico di Parlamento

Splicando esaki den reunion publico di Parlamento

0
0
SHARE
- Advertisement -

For di DIA UNO e necesidad pa mas lokaal y pa hisa e calidad di e espacionan pa duna y tuma les tin atencion di Minister di Enseñansa

ORANJESTAD  (AAN): Diahuebs siman pasa e pregunta a worde haci pa parlamentarionan, diaranson el a worde ripiti: ta di ki dia a constata cu tin un necesidad pas mas lokaal na school, ta di ki dia ta buscando solucion pa e necesidad pas mas lokaal y espacionnan di miho calidad pa duna y tuma les?

   E pregunta a worde haci den varios diferente forma, pero ta un contesta Minister di Husticia y Enseñansa, mr. drs. Arthur Dowers tabatin cada biaha: For di DIA UNO cu el a bira minister e ta buscando un solucion hunto cu su team y e entidadnan cu ta parti di Ministerio di Enseñansa.

    E ta splica cu na e schoolnan MAVO, e necesidad direpente pa mas lokaal no a pasa pasobra cu tin demasiado alumno, pero pasobra e profielnan cu a worde introduci tabata rekeri mas espacio pa duna e lesnan. Trailernan a worde poni aki como un solucion temporario.

   Na algun schoolnan basico tabatin mester di mas klas of e school kier a expande pa añadi un biblioteca of klas pa computer of oficina. Aki tambe trailer a worde poni como un solucion temporario.

    E trailer camp cu a worde poni na Washington tabata necesario pa acomoda e muchanan cu mester a muda pa Maria College worde renoba. Mas trailer. Pero tambe, ya cu e contract di huur tabata mas largo cu e temporada di construccion a probecha ora Minister a wak e estado deplorabel di La Salle College unda cientos di mucha tabatin solamente dos baño nan nan disposicion, el a muda nan pa Washington pa por cuminsa cu e renobacion di nan school.

    E trailernan tabata un solucion temporario, e total na huur cu ta worde paga na e doñonan ta 270 mil Florin.

   Minister a wak varios di e trailernan, el a papia cu maestro y cabesantenan di e schoolnan unda tin trailer den uzo y a scucha basta keho over di e calidad y den algun caso e falta di mantencion adecua.

    Den menos di dos aña di gobernacion, Minister Dowers a laga verf y haci     mantencion grandi y chikito na mas of menos 20 school y den vakantie grandi pasa seis school a haya bentana y porta nobo, a worde geverf y a haya un mantencion general. Ademas, Minister Dowers a percura pa via di FDA a haya fondonan pa renoba La Salle College, Dominicus College y Abraham de Veer School y na San Nicolas un school cu mester a worde benta abao pa 800 mil Florin a worde renoba pa menos di 100 mil Florin y ta den uso atrobe.

    Den e dos añanan cu a pasa, Minister Dowers y su team a traha duro y e situacion di e trailernan y nan costo halto a keda un preocupacion pa e mandatario.

    Minister Dowers a hasta puntra si gobierno no por cumpra e trailernan cu awor e ta huur pa varios school, e doñonan a nenga. El a puntra si nan, cu awor ta huur trailer cu gobierno, por pensa ariba un solucion pa reemplasa e trailernan, pa por fabor bin cu un idea. Solamente un di e huurdonan a bay sondea y a presenta un proyecto factibel, di calidad halto cu ta ofrece un solucion duradero. E mes huurdo aki a percura pa e financiamento tambe.

    Ta incomprendibel con despues cu a haya un solucion duradero pa elimina e trailernan ta bin tanto pregunta y repiticion di e mesun preguntanan cu Minister ta contesta bez tras bez. Un sindicalista a expresa den prensa cu tin piew di paloma den algun di e trailernan y hasta potret a sali publica den corant di trailer cu buraco unda tur tipo di insecto y bestia indesea manera djaka por drenta, pero diripente awor cu tin un solucion cu ta costa poco mas cu e total na huur actual tur hende tin pregunta?

    Minister Dowers diaranzon den Parlamento a contesta e mesun preguntanan varios biaha, splicando e proyecto bez tras bez. Minister Dowers a conclui varios biaha cu no ta e proyecto ariba su mes ta loke algun hende tabatin problema cun’e, pero porta ta e fam di e persona cu a ofrece e proyecto aki na gobierno.

- Advertisement -

DUNA COMENTARIO

Please enter your comment!
Please enter your name here