Home General Tin hopi trabao ainda pa haci riba tereno di seguridad pa nos...

Tin hopi trabao ainda pa haci riba tereno di seguridad pa nos isla y gobierno tin atencion pe!

1
0
SHARE
- Advertisement -

Parlamentario Clarisca Velasquez

ORANJETSAD (AAN): Na momento cu gobierno Mike Eman a tuma gobernacion ela pone e puntonan di prioridad den su programa di gobernacion pa atende den dialogo social.  E segundo fase di e dialogo social a trece dilanti diferente aspecto di bienestar nacional cu ta preocupa nos comunidad y caminda mester buska un sosten amplio di tur gremionan den nos comunidad!

   Un di e aspectonan cu ta preocupa nos comunidad y ta prioridad ta seguridad di nos isla. bou seguridad ta cai e.o. combati y controla criminalidad, seguridad den ensejansa, nos medio ambiente, seguridad di nos trafico y seguridad/vigilancia di barionan! Y den cuadro di e importancia di seguridad di nos isla gobierno a instala 3 di mei di e anja aki un comision di seguridad. Meta di e comision di seguridad aki ta pa bin cu consehonan concreto pa e plataforma di dialogo social cu e bista pa drecha e seguridad na Aruba! esaki ta den palabracion cu minister di bienestar general y cu minister di husticia y ensejansa. Na anja 2001 a traha un rapport cu a hanja nomber “De Omslag”. Den e rapport aki a relata amplio con e situacion tawata di seguridad y criminalidad y consehonan con pa ataca esaki riba tur e puntonan cu ta cai bou seguridad!

   E tempo ey gobierno a cambia y no a tuma e rapport aki su consehonan pa traha riba nan pasobra tawata un rapport di e gobierno anterior y aki ta unda no a haci nada riba tereno di seguridad y awe nos isla ta sufri e consecuencianan!

  Awor mester bai ataca e problema di seguridad y criminalidad di nos isla na un forma integra y structura y pesey e comision aki di seguridad ta di opinion cu pa nos tin un Aruba sigur e prioridad ta pa pone atencion urgente na controla y combati criminalidad!

  Tin cu bai traha riba prevencion di criminalidad conhuntamente cu e combatimento y control di esaki y pesey ta bai atende e departamentonan cu ta atende cu husticia con esaki ta funciona despues lo bai trata e seguridad den ensejansa, medio ambiente, e bienestar general y seguridad den nos trafico y e maneho riba tereno social y asina trece e consehonan aki pa gobierno den dialogo social pa asina gobierno por atende e problema di seguridad mas structura y integral! Pueblo por ta sigur cu gobierno ta conciente cu nos tin un situacion preocupante di criminalidad y mester atake y combatie pero mester hacie den un forma structura y integral y pesey a instala e comision aki di seguridad cu tin cu duna conseho na gobierno den dialogo social con tin cu bai preveni y combati criminalidad y nos por tin un Aruba sigur atrobe!

- Advertisement -

DUNA COMENTARIO

Please enter your comment!
Please enter your name here