Archivo di October, 2011
ORANJESTAD(AAN) E siman aki ta bolbe habri cu otro escandalo di politica di Friends & Family, unda un biaha mas e gobierno actual ta demostra na e pueblo cu e 12 asiento cu nan a haya den Parlamento, a bira un poder sin limite pa nan por haci y deshaci manera cu nan ta haya ta bon.
Durante fin di siman cu a pasa, e rumornan tabata core cu un persona conoci den mundo di radio emisora lo a haya un trato hopi preferencial di gobierno pa loke ta trata suministro di coriente na su cas. Na prome instancia mayoria hende a kere cu tabata trata di un di e tantisimo rumornan cu ta wordo plama riba caya cada tanto tempo, pero despues di algun dia a bin resulta cu no tabata trata di rumor pero di e berdad duro cu e siman aki ta bolbe dal AVP den cara.
Segun partido MEP:
ORANJESTAD(AAN)– Patrtido MEP a emiti un comunicado den cual a menciona cu den un programa radial den fin di siman sindicato di Elmar a confirma e hecho cu Elmar a contrata un contratista pa corta miles di meter di coriente. Esaki pasobra tin un cantidad record di meter pa bai corta, un cantidad nunca antes bisto y Elmar mes no por cu tur e trabao ey. Esaki ta confirma publicacionnan cu a sali den medionan di comunicacion y cu Elmar pa medio di sra. Wanda Broeksma, cu e mes ta gana riba 10 mil florin pa luna, a purba di sconde pa pueblo. Pero Elmar a lubida cu ningun mentira, ni con bon e ta, no ta keda scondi pa semper, pasobra e berdad ta alcanse.
Segun ministro Otmar Oduber:
ORANJESTAD(AAN):– E tabata un berdadero fiesta riba Linear Park diabierna ultimo durante e Fiesta Cultural organisa pa e bishita na Aruba di su Mahestad Reina Beatrix, Prins Willem Alexander y Princes Maxima. Minister encarga Otmar Oduber a haya e honor di splica e delegacion di henter e proyecto di Linear Park y kico ta e idea tras di e Fiesta Cultural. Un presentacion cu su Mahestad a disfruta masha hopi di dje mirando e integracion di e diferente nacionalidadnan bibando na Aruba.
by Oscar Ramjeet
our Caribbean Correspondent
Barbados Governor General Sir Clifford Husbands, retires from office today October 31.
Cabinet made the announcement last Friday and disclosed that retired High Court
Judge, Elliot Belgrave will act as Governor General as of Tuesday November 1.
Eighty five year old Sir Clifford is the country’s sixth Head of State and the longest serving. Head of State. He held the position since June 1, 1996 succeeding Dame Nita Barrow, whbo died in office on December 19, 1995.
ORANJESTAD (AAN) Informe cu DIARIO a ricibi ta indica cu Directiva di “Sindicato di Trahadornan di Aruba” (S.T.A.) kier a invita tur e empleadonan di Thiel Resources y Felipe Construction pa acudi na un reunion cu caracter di urgencia, riba Diamars 1 di November 2011 na sede di Simar na Sabana Blanco.
Esaki ta for di 7:30 pm te cu 8:30 pm.
MEP ta puntra kiko di berdad tin cu
ORANJESTAD(AAN)– Segun un comunicado di MEP, den un articulo den corant Telegraaf di fin di siman a sali publica un noticia cu director di TNO, sr. Jan Willem Kelder, ta declara cu gobierno di Aruba ta paga TNO 3.5 miyon euro pa ta na Aruba! 3.5 miyon euro ta equivalente na 9 miyon florin! E “deal” aki no a pasa parlamento ningun momento, y den ningun presupuesto e 9 miyon aki ta poni tampoco. Gobierno di Aruba ta paga TNO 9 miyon florin pa investiga si por bin un di dos parke di mulina di biento, na Alto Vista. Pero banda di esaki sr. Kelder ta contento pasobra asina TNO ta haya e network cu Aruba tin den Latino America. Pues pa TNO e beneficionan di e “deal” aki ta:
ORANJESTAD(AAN):Den un forma hopi caluroso e Famia Real a worde ricibi na Aruba. Ora cu nan a bay tambe nan a haya un caluroso despedida. Por a mira cu na aeropuerto e famia a topa cu algun mandatario tambe gobernador Fredis Refunjol. Tur tabata acompaña pa nan respectivo casa. Tabata un momento cu e miembronan di famia real y principalmente Reina Beatrix a gradici di curazon henter Aruba pa e trato cu el a haya. Na Aruba sigur nan a bay cu un recuerdo hopi bunita. La Reina a mira te hasta su nomber asina grandi y bunita riba e aeropuerto di Aruba. Algo cu na 2006 e no a mira. Ta e siman cu a pasa e nomber a ser poni back.
ORANJESTAD(AAN)– Relaciona cu e compra dudoso di e parcela La Dolce Vita, cu hasta ta hole den direccion di corrupcion, Booshi Wever a lanza un serie di pregunta na minister presidente, sr. Mike Eman y minister di Finanzas, sr. Mike de Meza; den e serie di preguntanan aki a corda tambe riba e hazaña di añanan atras cu Interbank, den cua, mescos cu ta e caso awor cu La Dolce Vita, e envolvimento di sr. Franklin Hoevertsz tabata remarcabel. “Apesar cu mi mester asumi cu sr. Donner (Asuntonan di Reino) lo mester sa di e asunto aki, mi a manda e tambe un carta, mescos cu tabata e caso cu e entrega di e (W)ODC-rapport, cu a wordo entrega na minister-president net na e momento cu Parlamento tabata tratando e asunto di e trailernan.
Prome Minister Mike Eman:
ORANJESTAD(AAN): Den un luga historico, caminda tin storia di Aruba y Hulanda ta conecta cu otro, Museo Arkeologico, a dicidi di firma un Protocol di Cooperacion, cu ta encera hopi beneficio pa Aruba den futuro. Prome Minister mr. Mike Eman hunto cu Minister Piet Hein Donner, Minister di Asuntonan Interno y Relacionnan di Reino, a firma e protocol aki den presencia di demas miembronan di Gabinete Mike Eman. E Protocol ta trece cune un relacion nobo pa futuro, Prome Minister Eman a bisa, entre Aruba y Reino. Masha elogio e Prome Mandatario di Aruba tabatin pa tur e cooperacion cu el a ricibi for di e mandatario Hulandes for di momento cu el a delibera cune pa firma un tipo di acuerdo, caminda inicialmente a papia di un Convenant, pero cu finalmente a bira un Acuerdo di Cooperacion.
ORANJESTAD (AAN): Diaranson anochi durante ceremonia di cendemento di luznan di nomber di aeropuerto, esta Aeropuerto Internacional Reina Beatrix, y tambe logo di Aruba, Promer Minister Mike Eman a duna di conoce cu nos isla ta uno hopi special.
“Un isla cu memei di e mundo turbuleto, cu hopi problema y hopi reto, tin registra e aña aki un crecemento di 10%, un crecemento cu ta unico den nos region. E ta danki na e empeño cu nos tur ta haciendo riba e baranca aki”, Promer Minister a duna di conoce.
ORANJESTAD(AAN): Diahuebs merdia, cu un retraso chikito e vuelo di KLM for di Amsterdam a baha na Aruba. Abordo henter un delegacion di Hulanda entre otro miembronan di famia real Reina Beatrix, Prinses Maxima, Prins Willem Alexander y tambe Piet Hein Donner. Naturalmente unda cu miembronan di famia Real bay semper tin tambe un cantidad di miembronan di nan delegacion. Pa e yegada di famia Real por a mira cu tabata tin varios preparacion cu a tuma lugar. Na aeropuerto por a mira cu e trapi a ser prepara pa asina Reina Beatrix por a baha hunto cu su demas miembronan di e delegacion for di e avion.
